५ माघ २०७६काठमाडौं । अन्ततः सत्तारुढ नेपाल कम्युनिस्ट पार्टी (नेपाल)का अध्यक्षद्धय केपी शर्मा ओली र पुष्पकमल दाहाल प्रचण्डबीच नेता अग्नि सापकोटालाई सभामुख बनाउने सहमति जुटेको छ ।लामो समय देखि सभामुख चयनमा दुई अध्यक्षबीच लामो रस्साकस्सी चलेको थियो।
प्रधानमन्त्री ओलीले पूर्वसभामुख सुवासचन्द्र नेम्वाङलाई सभामुख बनाउन चाहेका थिए। दुई अध्यक्षबीच सभामुख कसलाई बनाउने भन्नेमा सहमति हुन नसक्दा प्रतिनिधि सभाको बैठक एक महिनादेखि अवरुद्ध थियो । प्रधानमन्त्री निवास बालुवाटारमा आइतबार विहान अर्का अध्यक्ष पुष्पकमल दाहाल प्रचण्डसँग भएको छलफलमा सापकोटालाई सभामुख बनाउन ओली सहमत भएका हुन् । लगतै ४ बजे सचिवालयको बैठक बोलाइएको छ ।
पूर्वमाओवादी पक्षधर नेताहरुले सभामुख पद आफूहरुले पाउनुपर्ने दावी गर्दै आएका थिए। विगतमा शक्ति बाँडफाँडका क्रममा सभामुख पूर्वमाओवादीलाई परेकाले यसलाई नै कायम गर्नुपर्ने उनीहरुको दावी थियो।
अध्यक्ष प्रचण्डलाई नेकपाका वरिष्ठ नेता माधवकुमार नेपाल पक्षधर नेताहरुले पनि साथ दिँदै आएका थिए। शक्ति सन्तुलनका दृष्टिकोणले पनि सभामुख पूर्वमाओवादी पक्षधर नेताहरुलाई दिनुपर्ने नेपाल पक्षको तर्क छ। यद्धपि नेपाल समूह यस विषयमा मौन छ।