News Portal

  • बासुले मागे एमसीसी समर्थकसँग यी १४ प्रश्नको उत्तर

    भक्तपुर, ८ माघ
    २२०३ पटक
    भक्तपुर, ८ माघ

    बामपन्थी वुद्धिजीवी तथा विश्लेषक बासु मिश्रले एमसीसी समर्थकहरुले यी १४ प्रश्नको उत्तर दिनुपर्ने बताएका छन् ।उनले यी १४ प्रश्नको जवाफ पाएमा आफू सहमत भएर एमसीसीकै समर्थनमा उत्रने समेत बताएका छन् ।

    के हुन् त मिश्रका १४ प्रश्न

    १ -४०० के भी को बिद्युत प्रसारण लाइनको आबस्यकता किन पर्यो, जबकी हामिसँग त्यति बिद्युत उत्पादन नै भएको छैन र आफैलाई आबस्यक पर्ने बिद्युत त उत्पादन भएको छैन भने तत्काल निर्यातको कुरा कसरि आयो ?

    २ -परियोजनाको छनौट हाम्रो आबस्यकता अनुसार हुने कि दाताले तिमीहरुको लागि यो गर्नु जरुरी छ भनेर हामीसँगको सल्लाह बेगर नै उनीहरुले मनोमानी ढंगले परियोजना चयन गर्ने हो ?

    ३-सडक संजाल बिस्तार गर्ने भनेको के हो ? भैरहेको सडकहरुको स्तरोन्नति हो कि, नयाँ सडकको निर्माण हो ? दुवै अवस्थामा यसको प्रारम्भिक अध्ययन र सर्वेक्षण कहाँ भएको छ र भोलीदेखि नै सडकको काम शुरु हुने झैं गरी अनुदान दिन र लिन हतार गरिदैछ ?

    ४- काठमाडौँबाट सबैभन्दा नजिकको भारतीय सिमानाको बस्ति या त रक्सौल हुन सक्छ या बेतिया र त्यसो भएपछी प्रसारणलाइन तिनै ठाउँमा लगेर टुंग्याउन छोडेर किन चितवनबाट पाल्पा अनि बुटवल हुदै गोरखपुर पुर्याउनु परेको हो ?

    ५- एमसीसीको परियोजनाले नछोएका जिल्लाहरु जस्तै मुस्तांग, डोल्पा र मुगुमा जग्गा लिजमा खोज्नुको मनसाय के हो ?

    ६ -अनुदानमा आउने रकम के अमेरिकाको रक्षा मन्त्रालय मार्फत आउने हो ? यदि होइन भने पेन्टागन (अमेरिकी रक्षा मन्त्रालय ) को चासो किन ?

    ७-अनुदान दिने अमेरिका लिने नेपाल भएपछि भारतीय पक्षको सहमतिको अनिवार्यता किन परेको हो ?

    ८- अनुदानमा आउन लागेको धनराशी अमेरिकी दातृ निकाय युएसएआइडी मार्फत नआएर अलग्गै निकाय मार्फत किन आइरहेको छ ? यसअघि यस्तो कहिल्यै भएको इतिहास छ ?

    ९ -परियोजनामा नेपालको पनि इक्विटी रहने भएपछि ह्युमन रिसोर्स म्यानेजमेन्टमा, प्लानिंग एण्ड बजेटिंगमा र सुपरभिजन एण्ड इभ्यालुएसन् एक्टिभिटीहरुमा नेपाली पक्षको भूमिकालाइ किन सून्यमा झारिएको हो ?

    १०- परियोजनामा काम गर्ने कुनैपनि अमेरिकी कर्मचारीद्वारा जान अन्जानमा कुनै गल्ति, कमजोरी वा अपराध हुन गएमा पनि नेपाली कानुनले छुन नसक्ने इम्युनिटीको माग गरिनुको औचित्य के हो ?

    ११- एमसीसीसँगको सम्झौताको बुँदा नेपाल सरकारको कानुनको कुनैपनि बुँदासँग बाझिए पनि सम्झौतामा उल्लेखित बुँदा अनुसार नै कार्य सम्पादन हुँदै गर्नेछ र नेपाल सरकारले सम्झौतामा उल्लेख भए बमोजिम आफ्नो कानुनलाई सच्याउनु पर्नेछ या नेपालको कानुन परियोजनामा लागु हुने छैन भन्ने सर्त तेस्र्याउनुको मतलब के हुन सक्ला ?

    १२-अमेरिकी पक्षले चाहेमा सम्झौता तुरुन्त खारेज गर्न सक्ने तर नेपालले नसक्ने किन बनाइयो ?

    १३ -दाता पक्षले नेपाललाइ यो अनुदान आजै लिउ भोली नै लिउ भन्दै किन उक्साइरहेका छन् ? के यो शंकास्पद बिषय होइन ?

    १४- सबैभन्दा महत्वपूर्ण कुरा अहिलेसम्मका आर्थिक सहयोग र ऋण आदिको बिषय कार्यपालिकाले नै अन्तिम टुंगो लगाउने गथ्र्यो र तर यसपटक एमसीसीको अनुदान किन व्यबस्थापिकाबाट पास गराउन आबश्यक ठानियो ?

    प्रतिकृया दिनुहोस्

    भक्तपुरले उत्कृष्ट विद्यार्थी, शिक्षक र विद्यालय घोषणा गरी प्रोत्साहन गर्ने

    भक्तपुर नगरपालिकाले उत्कृष्ट विद्यार्थी, शिक्षक र विद्यालय घोषणा गरी प्रोत्साहनको नीति लिएको छ । शिक्षामा...

    हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    hanumante naresh

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको...

    चाँगुनारायणका पूर्व मेयर मिश्रलाई मातृशोक

    चाँगुनारायण नगरपालिकाका संस्थापक मेयर एवं नेकपा(एमाले) का केन्द्रीय सदस्य सोमप्रसाद मिश्रलाई मातृशोक परेको छ ।...

    सूर्यविनायक नगरपालिकाको आफ्नै सडक संजाल र नगर यातायात हुनुपर्नेमा कांग्रेसको जोड

    नेपाली कांग्रेस सूर्यविनायक नगर समितिले स्थानीय सरकारलाई गम्भीर ध्यानाकर्षण गराएको छ । मंगलवार सो समितिले...

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...