News Portal

  • सरकारले किटान गर्यो पठनपाठनको समयावधि

    भक्तपुरपोष्ट संवाददाता१३ माघ २०७६
    ३५०४ पटक
    १३ माघ २०७६

    सरकारले संघीय संरचनासहितको नयाँ राष्ट्रिय पाठ्यक्रम प्रारुप जारी गरेको छ । विद्यालय तहको शिक्षा विद्यार्थी केन्द्रित बनाउन भन्दै प्रारम्भिक बालविकासदेखि कक्षा १२ सम्मै प्रयोगात्मक कार्यको व्यवस्थासहित पाठ्यक्रम प्रारुप तयार पारिएको हो ।

    नयाँ संविधान, शिक्षा ऐनको आठौं संशोधन, संघीय संरचना र कक्षा ११–१२ पनि विद्यालय शिक्षामा समाहित भएपछि नयाँ पाठ्यक्रम जारी गरिएको हो । २०७६ भदौ २० गते स्वीकृत भएसँगै यो कार्यान्वयनमा गएको छ । प्रारुपमा पठनपाठनको अवधि किटान गरिएको छ ।

    प्रारुपअनुसार अब प्रारम्भिक बालशिक्षाका लागि प्रतिदिन ४ घण्टा ३० मिनेटका दरले वार्षिक जम्मा ५७६ घण्टा दैनिक सीप सिकाइ क्रियाकलाप र विषयगत सीप सिकाइ क्रियाकलाप सञ्चालन गर्नुपर्नेछ ।

    यसैगरी, वार्षिक ३८४ घण्टा आधारभूत सिप सिकाइका क्षेत्र अन्तर्गत शारीरिक सिप,  संवेगात्मक सिप,  सामाजिक, सांस्कृतिक र नैतिक सिप,  बौद्धिक तथा मानसिक सिप,  स्वास्थ्य, पोषण, सुरक्षा र वातावरण सिप र  सिर्जनात्मक सिप सिकाइनेछ भने वार्षिक १९२ घण्टा विषयगत सिप सिकाइका क्षेत्र अन्तर्गत भाषिक सिप,  पूर्वगणितीय सिप, दृश्यकला, कार्यतरिका र सिर्जनशीलता,  वरपरको वातावरण र  सामाजिक सिप सिकाइनेछ ।

    यसबाहेक मनोरञ्जन व्रिmयाकलाप, बाह्य खेल र आराम गर्ने समय कम्तीमा दैनिक एक घण्टाका दरले वर्षभरिमा २५६ घण्टा आराम र खेल्नका लागि छुट्याउनु पर्नेछ । कक्षा १ देखि ३ सम्म जम्मा २६ पाठ्यघण्टा (क्रेडिट आवर) अर्थात् वार्षिक ८३२ कार्य घण्टाको पठनपाठन गर्नु पर्नेछ । कक्षा ४ देखि १२ सम्म जम्मा ३२ पाठ्यघण्टा अर्थात् वार्षिक १०२४ कार्य घण्टाको पठनपाठन गर्नुपर्ने छ । यस्तै ६ देखि ८  र ९र १० कक्षामा पनि ३२ पाठ्यघण्टा अर्थात् वार्षिक १०२४ कार्य घण्टाको पठनपाठन गर्नुपर्ने छ ।

    ११ र १२ कक्षामा भने २७ पाठ्यघण्टा अर्थात् वार्षिक ८६४ कार्य घण्टाको पठनपाठन गर्नुपर्नेछ । जहाँ ५  पाठ्यघण्टाको वार्षिक १६० कार्यघण्टा बराबरको थप ऐच्छिक विषय पढाउनुपर्नेछ ।

    पठनपाठन सञ्चालनका लागि खर्च भएको ३२ घण्टाको समयावधिलाई १ पाठ्यघण्टा मानिएको छ । तोकिएको साप्ताहिक पाठ्यघण्टा नघट्नेगरी विद्यालयले विषयको आवश्यकता अनुसारको साप्ताहिक कार्यतालिकाको समयावधि निर्धारण गरी कक्षा सञ्चालन गर्न सक्नेछन् । प्रतिदिन प्रतिविषय एक घण्टाको एक पिरियड बनाउन सकिने जनाइएको छ ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...