News Portal

  • घुस खाएरै मालपोत कार्यालयका पियनले कमाए ९ करोड

    भक्तपुरपोष्ट संवाददाता१६ माघ २०७६
    १०८८ पटक
    १६ माघ २०७६

    काठमाडौं । मालपोत कार्यालयमा हुने गरेको अनियमितता र भ्रष्टाचारको पछिल्लो उदाहरण बनेका छन्, राजेन्द्र बस्नेत ।

    मालपोत कार्यालय चाबहिलमा कार्यालय सहयोगी (पियन)को रुपमा कार्यरत रहँदा बस्नेतले झन्डै ९ करोड रुपैयाँ अवैध रुपमा आर्जन गरेको देखिएको छ ।१९ कात्तिक २०४५ मा कार्यालय सहयोगीको रुपमा सरकारी सेवा प्रवेश गरेका बस्नेत समेत उनको परिवारका नाममा ९ करोड ७३ लाख ३१ हजार ९ सय ८६ रुपैयाँ भेटिएको छ । जसमध्ये ७४ लाख ७३ हजार ३ सय ७३ रुपैयाँ मात्रै बैध आय भएको देखिएको अख्तियार दुरुपयोग अनुसन्धान आयोगले जानकारी दिएको छ ।

    हाल निलम्बन रहेका बस्नेत मालपोत कार्यालय चाबहिलमा कार्यरत रहँदा नक्कली रसिद काटी राजश्व रकम हिनामिना गरेको प्रकरणमा अख्तियारको टोलीबाटै पक्राउ परेका थिए । अख्तियारको टोलीले उनको साथबाट ११ लाख रुपैयाँ समेत बरामद गरेको थियो ।अनुसन्धानकै क्रममा बस्नेतले ठूलै रकम गैर कानूनी रुपमा अर्जन गरेको देखिएको अख्तियारले जनाएको छ ।

    अख्तियारका अनुसार बस्नेतले आफ्नी श्रीमती सीता बस्नेतको नाममा मात्रै ६ करोड ४७ लाख २५ हजार १ सय ४५ रुपैयाँ बराबरको घर तथा जग्गा खरिद गरेका छन् । यस्तै, उनले आमा टुकु कुमारी बस्नेतका नाममा रहेको जग्गामा घर निर्माण गर्न ६२ लाख ९० हजार ५ सय ४८ रुपैयाँ खर्च गरेका भेटिएको अख्तियारले जनाएको छ ।

    अख्तियारको अनुसन्धानबाट बस्नेतले ऋण चुक्ता गर्दा ३९ लाख ७६ हजार २ सय ९०, विभिन्न कम्पनीका बीमा पोलिसी खरिद गर्दा ५ लाख ७० हजार ४ सय ९०, सवारी साधन खरिदमा ३७ लाख ३१ हजार, दाजुभाईलाई अंश वापत नगद दिन १ करोड ५० लाख, पूँजीगत लाभकरमा ३ लाख ४७ हजार ४०, छोराछोरीको शैक्षिक खर्चमा १७ लाख ८६ हजार ३ सय २५, शेयर खरिदमा १८ हजार रुपैयाँ खर्च गरेको देखिएको छ ।

    जसअन्तर्गत उनले खर्च गरेको तथा हाल रहेको चल अचल गरी ८ करोड ९८ लाख ५८ हजार ६ सय १३ रुपैयाँ बराबरको स्रोत नखुलेको अख्तियारले जनाएको छ ।अख्तियारले बस्नेतविरुद्ध ८ करोड ९८ लाख ५८ हजार ६ सय १३ रुपैयाँ बिगो कायम गरी बिगोअनुसार जरिवाना तथा सजाय मागदाबी गर्दै विशेष अदालतमा मुद्दा दायर गरेको छ ।अख्तियारले सम्पत्ति जफत प्रयोजनका लागि बस्नेतकी श्रीमती सीता बस्नेत, आमा टुकुकुमारी बस्नेत, भतिजा कृपा बस्नेतविरुद्ध समेत मुद्दा दायर गरेको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...