News Portal

  • मन्त्रिपरिषद्को बैठक बालुवाटारमा सुरु, गृह सचिवको टुङ्गो लाग्ला !

    भक्तपुरपोष्ट संवाददाता२० माघ २०७६
    ७०३ पटक
    २० माघ २०७६

    काठमाडौँ । प्रधानमन्त्री निवास बालुवाटारमा मन्त्रिपरिषद्को बैठक बसिरहेको छ । आजको बैठकबाट गृह सचिव बारे समेत निर्णय हुँदै छ ।बुधवारबाट अनिवार्य अवकाश पाउन लागेका राईले २ दिनअघि नै राजीनामा दिएपछि रिक्त गृह सचिवका लागि आजैको बैठकबाट निर्णय गरिने तयारी रहेको बालुवाटार स्रोतले बताएको छ ।

    गृह सचिव प्रेमकुमार राईले राजीनामा बुझाएसँगै आज(सोमबार)देखि गृह सचिव पद रिक्त छ । बुधवारबाट अनिवार्य अवकाश पाउन लागेका राईले २ दिनअघि नै २० गतेदेखि स्वीकृत हुने गरी राजीनामा दिएपछि गृह सचिव पद रिक्त भएको हो

    गृह मन्त्रालय जान सचिवहरूबिच तँछाडमछाड चलिरहँदा केही दिनयता सचिवहरूको दौडधुप सुरु भएको थियो । आज बिहान मात्रै सचिवालयका उच्च अधिकारीलगायत केही उच्च प्रशासनका अधिकारीबिच गृह सचिवबारे छलफलसमेत भएको छ । सोही अनुसार प्रधानमन्त्री केपी शर्मा ओलीलाई रिपोर्टिङ पछि आजै गृह सचिवको टुङ्गो लाग्दै छ ।

    सङ्घीय मामिला तथा सामान्य प्रशासन मन्त्रालयका सचिव यादवप्रसाद कोइराला, अख्तियार दुरुपयोग अनुसन्धान आयोगका सचिव महेश्वर न्यौपाने र काठमाडौँ महानगरपालिकाका कार्यकारी अधिकृत केदार न्यौपाने र पर्यटन मन्त्रालयका सचिव केदारबहादुर अधिकारीलगायत सचिवहरू गृह सचिवका लागि सम्भावित उम्मेदवारका रूपमा हेरिएको छ । जसमध्ये कोइराला गृह मन्त्रालयबाटै करिअर बनाएका सचिव भएकोले पहिलो नम्बरमा हेरिएको छ । चीनबाट ‘न्यासनल डिफेन्स कोर्स’ समेत गरेका कोइरालाले विभिन्न जिल्लामा प्रमुख जिल्ला अधिकारीका रूपमा काम गरिसकेका छन् ।

    त्यसैगरी महानगरपालिकाका सचिव न्यौपानेसँग पनि गृह मन्त्रालयको अनुभव छ । प्रमुख जिल्ला अधिकारी, अध्यागमन लगायत तीनै तहको अनुभव लिई सकेका न्यौपाने पनि दौडमा छन् ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...