ललितपुर, २७ माघ २०७६ललितपुरको सानेपास्थित निवासमा पूर्वसचिव अर्जुन कार्कीको श्रीमती मुनाको हत्या भएको छ । सोमबार बिहानै उनको हत्या भएको हो ।
बिहान घर बाहिर रहेका पूर्वसचिव कार्कीले फर्कदा श्रीमती मुना घरमै अचेत अवस्थामा फेला पारेपछि अस्पताल प्[उर्याएका थिए । अस्पतालले उनलाई मृत घोषणा गरेको हो । कार्कीकी श्रीमती मुना अचेत अवस्थामा घरको भान्सा कोठामा रगतले लतपतिएको अवस्थामा फेला परेकी थिइन् । उनको टाउको र अनुहारमा गम्भीर चोट देखिएकोले उपचारको लागि स्टार हस्पिटल लगिएको थियो ।
निवासमा जडित सीसीटीभी फुटेज अनुसार मुनाको हत्यामा घरमै कामदार रहेका युवकको हात रहेको पुष्टि भएको प्रहरीले जनाएको छ ।
प्रहरीको प्रारम्भीक अनुसन्धानबाट कार्कीको घरमा कार्यरत करिब २० वर्षीय कामदार विजय चौधरीले मुनाको हत्या गरेको र लगत्तै झुण्डिएर आत्महत्या गरेको देखिएको प्रहरीले बताएको छ । घरमा काम गर्न राखेका दाङ घर भएका विजय चौधरीको शव झुण्डिएको अवस्थामा फेला परेको थियो । घटनाको अनुसन्धान भैरहेको महानगरीय प्रहरी परिसर ललितपुरले जनाएको छ ।