काठमाडौं, १९ फागुन प्रधानमन्त्री केपी शर्मा ओलीलाई मृगौला दान गर्न समीक्षा संग्रौला ज्ञवाली त्रिवि शिक्षण अस्पताल पुगेकी छन् । प्रधानमन्त्री ओलीको मृगौला प्रत्यारोपण गर्नुपरेपछि उनलाई मृगौला दान गर्न समीक्षा अस्पताल पुगेकी हुन् ।
बुधबार मृगौला प्रत्यारोपण गर्ने समय तय्य गरिएपछि प्रम ओली सोमबार साँझ नै अस्पताल भर्ना हुदैछन । उनको मृगौला प्रत्यारोपण गर्न डा.प्रेमराज ज्ञवालीको टोली खटिएको छ । मृगौला प्रत्यारोपणका लागि भारतबाट समेत चिकित्सक झिकाइएको बताइएको छ ।
यस अघि १२ वर्ष अगाडी ओलीको मृगौला प्रत्यारोपण गरिएको थियो । त्यतिबेला उनलाई भारतको नयाँ दिल्लीस्थित एपोलो अस्पतालमा मृगौला प्[रत्यारोपन गरिएको थियो । भाइबुहारी अन्जान घिमिरेले उनलाई मृगौला दिएकी थिइन् ।
यतिबेला पहिलेको मृगौलाले काम गर्न छाडेपछि दोस्रो पटक मृगौला प्रत्यारोपण गर्न लागिएको हो । ओलीलाई अहिले नातामा ‘भान्जी’ पर्ने समीक्षा संग्रौला ज्ञवालीले मृगौला दिन लागेकी हुन् । ३२ वर्षीया समीक्षा झापाकी हुन् ।ओलीलाई पहिलोपटक मृगौला दिने अन्जान घिमिरेकी भान्जी हुन् । सोही कारण प्रधानमन्त्री ओलीको पनि ‘भान्जी’ नाता परेकी हुन् ।
आइतबारको नेकपा सचिवालय बैठकमा प्रधानमन्त्री ओलीले आफूलाई मृगौला दान दिने महिलाबारे जानकारी गराएका थिए । प्रधानमन्त्रीले सचिवालयका सदस्यहरूलाई मृगौला दाताका रूपमा चिनाइएकी ३२ वर्षीया समीक्षा झापाकी हुन् । यस अघि मृगौला दिने अन्जान घिमिरेकी उनी भान्जी भएकाले प्रधानमन्त्री ओलीले पनि ‘भान्जी’ भनेका हुन् ।
३२ वर्षिया समीक्षाका दुई सन्तान छन् । उनका पतिले पनि मृगौला दिन मन्जुरी दिएको देखिएको छ ।