News Portal

  • कक्षा छाड्नै मान्दैनन् बाल विकासका नानी

    राजन रावत/हुम्ला २५ फागुन २०७६
    १३२३ पटक
    २५ फागुन २०७६

     

    खार्पुनाथ गाउँपालिकाको वडा नम्बर ४ को छिप्रा गाउँमा रहेको सीता माविको बाल विकासमा  सिक्ने साना–साना नानीहरुले कक्षा छाड्नै मान्दैनन् । कक्षा कोठामा नानीहरु प्रवेश गरेपछि भित्रको रमणीय वातावरणका कारण नानीहरुले कक्षा छाड्न नमानेका हुन् ।

    बाल विकासकी सहयोगी कार्यकर्ता वीरकला उपाध्यायका अनुसार नानीहरु कक्षामा प्रवेश गरेपछि छाड्नै नमान्ने गरेको बताईन । उनले कक्षा भित्रको रमणीय वातावरणकै कारण नानीहरुले कक्षा छाड्न नमानेका हुन् ।

    दिउँसो टिफिनको बेला कक्षा बाहिर नआएरै भित्र बस्ने गरको र दिसा पिसाब पनि सोधेर लिनु पर्ने अवस्था छ । सहयोगी कार्यकर्ता उपाध्ययले बेलुका छुट्टी भएपछि पनि सबै नानीहरुलाई जबरजस्ती निकाल्नु पर्ने बाध्यता रहेको बताइन् ।

    अर्को सहयोगकी कार्यकर्ता राम बहादुर हमालको भोगाई पनि यो भन्दा फरक छैन । न्यून पारिश्रमिक भएपनि दुबै जना सहयोगी कार्यकर्ताहरुले दिलो ज्यान दिएर नानीहरुलाई पठन–पाठन गर्दै आउनु भएको छ ।  विद्यालयले आन्तरिक श्रोतबाट नयाँ शैक्षिक सत्रदेखि बाल विकासका दुवै कक्षाहरुमा नयाँ व्यवस्था गरेको हो ।

    गत वर्षसम्म कार्पेट बिछ्याएको कोठामा टेलिभिजनबाट सानानानीहरुका लागि सामग्री हेर्ने व्यवस्था गरिएकोमा यसपालीबाट कक्षामा थप शैक्षिक सामग्रीहरुको अन्य तरिकाबाट अध्ययन गर्ने व्यवस्था गरिएको सीता माविका प्रधानाध्यापक जुनराज हमालले बताए  ।

    काठको सिलिङ गरिएको कोठामा कार्पेट बिछ्याएर सानानानीहरुका लागि आकार मिल्ने टि टेबलको व्यवस्था गरिएको छ । एउटा टि टेबलमा चार जना नानीहरु बस्ने व्यवस्था गरिएको छ । प्रअ हमालका अनुसार ती टेबलमा नानीहरुलाई आर्कषित गर्ने रङ्गिन शैक्षिक सामग्री राखिएको छ ।

    नानीहरुले इच्छा अनुसार ती सामग्री हेर्ने र पढ्ने गर्छन् । त्यति मात्र होईन कक्षा कोठाका भित्ताहरुमा नेपाली र अंग्रेजी अक्षर चिन्ह सकिने पोष्टरहरु पनि टाँगिएका छन् । जसबाट पनि नानीहरुले अध्ययन गर्ने मौका पाउँछन् ।

    कक्षाको एउटा साईटमा र्याग बनाएर रङ्गिन शैक्षिक सामग्रीहरु पनि राखिएका छन् । जसलाई नानीहरुले आफ्नो इच्छा अनुसार हेर्ने गर्छन् । त्यसै गरि अडियो भिडियोबाट अध्ययन गराउने व्यवस्था पनि विद्यालयले गरेको छ । त्यस्तै टेलिभिजनबाट शैक्षिक सामाग्री प्रस्ुतत गर्ने गरिन्छ । दिउँसो एक बजे खाजाको व्यवस्था पनि कक्षा मै गरिन्छ । चालीस जना नानीहरु भएपछि विद्यालयले दुुईवटा बाल विकासका कक्षाहरु सञ्चालन गर्दै आएको छ ।

    तस्वीर : राजन रावत/ भक्तपुर पोस्ट 

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...