२५ फागुन २०७६काठमाडौं । शिक्षा विज्ञान तथा प्रविधि मन्त्रालयले जारी गरेको निर्देशनलाई स्थानीयतहहरुले अवज्ञा गरेका छन् ।
शिक्षा मन्त्रालयले चैत ५ गते भित्र कक्षा ९ सम्मको परीक्षा सम्पन्न गर्न निर्देशन दिएपनि स्थानीय तहहरुबाट त्यसको अवज्ञा भएका छन् ।
रामेछापको उमाकुण्ड गाउँपालिकाले सरकारी निर्देशनको अवज्ञा गर्दै कक्षा ९ सम्मको परीक्षा चैत ६ गतेदेखि १४ गतेसम्म सञ्चालन गर्ने स्पष्ट पारेको छ ।
गाउँपालिकाले फागुन २१ गते सूचना जारी गर्दै परीक्षाको आवश्यक तयारी अपुग भएकोले कक्षा ८ को परीक्षा र वार्षिक परीक्षा निर्धारित समय अनुसार नै संचालन हुने जनाएको हो ।
.jpg)
शिक्षा, विज्ञान तथा प्रविधि मन्त्रालयले फागुन २० गतेको सूचना जारी गर्दै विश्वभर कोरोना भाइरस (कोभिड १९) को संक्रमण र सन्त्रास बढ्दै गएकोले आवश्यक सतर्कता अपनाउन चैत्र ५ गते भित्र वार्षिक परीक्षा सम्पन्न गर्न निर्देशन दिएको थियो ।
गाउँपालिकाको विद्यालयस्तरीय परीक्षा समितिले फागुन १९ गते चैत ६ देखि १४ गते सञ्चालन गर्ने गरी परीक्षा तालिका सार्वजनिक गरेको थियो ।
गाउँपालिकाका प्रशासकीय अधिकृत ईश्वरीप्रसाद सुवेदीले शिक्षा मन्त्रालयको परिपत्रअनुसार परीक्षा अगाडि सार्न आवश्यक तयारीको समय अभाव हुने भएकाले पूर्वनिर्धारित मितिमा नै परीक्षा सञ्चालन गरिने जानकारी दिए ।
यस्तै, गाउँपालिकाले हालको अवस्थामा विद्यालयमा सभा, समारोह, वार्षिक उत्सव लगायतका जनभेला हुने प्रकृतिका कार्यक्रहरुको आयोजना नगर्न नगराउनसम्पूर्ण विद्यालयहरुसँग अनुरोध गरेको छ ।
यस्तै, एकीकृत विद्यालयस्तरीय परीक्षा समिति दोलखाले पनि शिक्षा मन्त्रालयको निर्देशन अवज्ञा गर्दै चैत ९ गते परीक्षा सम्पन्न गर्ने निर्णय गरेको छ ।
