सत्तारुढ दल नेपाल कम्युनिष्ट पार्टी (नेकपा)को विद्यार्थी संगठन अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियू) को भक्तपुर बहुमुखी क्याम्पस कमिटीले पूर्णता पाएको छ ।

अनेरास्ववियूले ५१ सदस्यीय भक्तपुर बहुमुखी क्याम्पस कमिटी गठन गरेको हो । यस अघि आइतवार उक्त संगठनको जिल्ला नेतृत्वले भक्तपुर क्याम्पस कमिटी संयोजकमा दिपक बहादुर बिष्ट र सह संयोजक कृष्ण रानाभाटलाई चयन गर्दै ५१ सदस्यीय क्याम्पस कमिटी बिस्तार गर्न म्यान्डेट दिएको थियो । बुधवार अनेरास्ववियू जिल्ला संयोजक सुवास तिमिल्सिना र सह संयोजक बिराज थापा सहित भक्तपुर क्याम्पस कमिटी संयोजक दिपक बहादुर बिष्ट र सह संयोजक कृष्ण रानाभाटको बैठकले कमिटी लाई पूर्णता दिएको बताइएको छ ।

अनेरास्ववियूको ५१ सदस्यीय भक्तपुर क्याम्पस कमिटीमा तत्कालीन अनेरास्ववियुबाट २७ जना र अनेरास्ववियू(क्रान्तिकारी) बाट २६ जना चयन भएका छन् ।

हेर्नुस् अनेरास्ववियूको ५१ सदस्यीय भक्तपुर बहुमुखी क्याम्पस कमिटी