भक्तपुरमा एकाबिहानै मिनी टिपरको ठक्कर बाट एक डेढ वर्षिय बालकको ज्यान गएको छ । इट्टा भट्टामा कामगर्ने मजदुरका डेढ वर्षिय छोराको मिनी टिपरको ठक्करबाट ज्यान गएको हो ।

बिहान करिब ८ बजेको समयमा भक्तपुरको चागुँनारायण ९ स्थित जय ब्रम्हायणी ईट्टाभट्टामा उक्त दुर्घटना भएको प्रहरीले पुष्टि गरेको छ । उक्त भट्टामा माटो बोक्ने बा ५ ख ७९७१ नं.को मिनी टिपरले सोही ईट्टाभट्टामा काम गर्ने सर्लाही जिरायल घर भएका १९ वर्षिय ईश्वर मोक्तानको नाबालक छोरा लाई ठक्कर दिदा ज्यान गएको महानगरीय प्रहरी परिसर भक्तपुरका डीएसपी दिपक गिरीले जानकारी दिए ।

गिरीका अनुसार १८ महिने शिशु शिशिर मोक्तानलाई ठक्कर दिई घाईते भएको जानकारी पाएपछि प्रहरी वृत्त जगाती बाट तुरुन्तै प्रहरी घटनास्थल पुगेका थिए । घाइते शिशुलाई ठिमीस्थित मध्यपुर अस्पताल पुर्यााउने क्रममा बाटोमै मृत्यु भएको बताइएको छ ।

दुर्घटना गराउने सवारी साधन र सवारी चालक प्रहरीको नियन्त्रणमा रहेका छन् । टिपर र चालक च्यामासिंह बस्ने बर्ष ४० को श्याम फैजुलाई नियन्त्रणमा लिई महानगरीय प्रहरी वृत्त जगातीमा राखिएको महानगरीय प्रहरी परिसरले जनाएको छ । दुर्घटनाबारे थप अनुसन्धान कार्य भईरहेको परिसरका डीएसपी दिपक गिरीको भनाइ छ ।