News Portal

  • विद्यार्थीलाई घर बाहिर ननिस्कन शिक्षा मन्त्रीको अपिल : हेर्नुस् मन्त्रीको अपिल

    भक्तपुरपोस्ट संवाददाता भक्तपुर, ४ चैत
    १५५६ पटक
    भक्तपुर, ४ चैत

    सरकारले कक्षा ९ सम्मका करिब ७० लाख विद्यार्थीलाई चैत छ गतेदेखि घर बाहिर ननिस्कन अपिल गरेको छ । सरकारका शिक्षा, विज्ञान तथा प्रविधि मन्त्री गिरिराजमणि पोखरेलले यस्तो अपिल गरेका हुन् ।

    मन्त्रालयले यस अघि चैत पाँच गते सम्म कक्षा ९ सम्मको परीक्षा सकौं निर्देशन दिएको थियो । परीक्षा सकिएपछि  शैक्षिक सत्र शुरु नहुन्जेल सम्म करीव तीनहप्ता देशभरका करीव ७० लाख विद्यालय जाने उमेरका बालबालिकहरुलाई घर वाहिर नजान एवम् यो अवधिमा मुलुकको विशेष परिस्थितिलाई ध्यानमा राखि विद्यालयमा साँस्कृतिक कार्यक्रम, वार्षिक अभिभावक दिवस, नतिजा सार्वजनिकरण, प्रवेश परीक्षा वा भर्नाका नाममा भीडभाड वा आम भेला नगर्न समेत शिक्षा मन्त्रालयले अनुरोध गरेको छ ।

    चैत छ गते बाट शुरु हुने कक्षा १० को एसईई परीक्षा भने यथावत संचालन गरिने बताइएको छ । विद्यार्थीहरुलाई परीक्षाकेन्द्रमा स्वास्थ्य सहायता प्रदान गर्न प्रत्येक परीक्षा केन्द्रहरुमा परीक्षा अवधिभर हेल्थ डेस्क राख्ने प्रवन्धका लागि ७५३ वटै स्थानीय तहहरुलाई अनुरोध गरी सकिएकोसमेत शिक्षामन्त्री पोखरेलले जनाएका छन् ।

    शिक्षा मन्त्री पोखरेलले विद्यार्थीको स्वास्थ्य सुरक्षा र बचावट सरकारकोे पहिलो प्राथमिकता भएको र संकटापन्न अवस्थामा पनि बालबालिकाको पढ्न पाउने हक अधिकार सुरक्षित हुनु पर्दछ भन्ने विषयमा सरकार गम्भिर रहेको स्पष्ट पारेका छन् ।

    विद्यार्थीहरूलाई साबुनपानी प्रयोग गरेर हात धुन, मास्क प्रयोग गर्न, अरुसँग हात नमिलाउन र सकभर भीडभाडमा नजान पनि आग्रह गरिएको छ ।त्यसैगरी शिक्षा मन्त्री पोखरेलले कोरोना भाइरस (कोभिड(१९) विश्वव्यापि रुपमा संक्रमित भइरहेको वर्तमान अवस्थामा उच्च स्तरीय अनुगमन समितिले ३० अप्रिल २०२० सम्मका लागि संक्रमण फैलिएका देशहरुमा अध्ययन गर्न जान चाहने विद्यार्थीहरुका लागि नो अब्जेकशन लेटर जारी नगर्ने निर्णय गरेको जानकारी दिएका छन् ।

    हेर्नुस् मन्त्रीको अपिल

    प्रतिकृया दिनुहोस्

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...