भक्तपुरपोष्ट संवाददाताजनकपुरधाम, ५ चैत
जनकपुरधाम, ५ चैतमाध्यमिक शिक्षा परीक्षा (एसईई) को प्रवेश पत्र दिंदा घुस लिने एक प्रधानाध्यापक पक्राउ परेका छन् । अख्तियारको विशेष टोलीले उनलाई रंगेहात पक्राउ गरेको हो ।
पक्राउ पर्नेमा महेन्द्र महतो रहेका छन् । उनी धनुषाको मिथिला नगरपालिका -२ नक्टाझिज स्थित जनता माध्यमिक विद्यालयका प्रधानाध्यापक हुन् ।
बिहीबारदेखि शुरु हुन लागेको एसईई परीक्षाको प्रवेश पत्र उपलब्ध गराउन एक परीक्षार्थीबाट २ हजार रुपैयाँ घुस लिंदालिंदै प्रअ पक्राउ परेका बताइएको छ । घुस लिँदै गर्दा उनलाई बुधवार विद्यालय बाटै पक्राउ गरिएको हो ।
परीक्षाको फारम अघि नभरेको बहानामा प्रवेश पत्र उपलब्ध गराउन घुस लिँदै गर्दा उनलाई बर्दिबासस्थित क्षेत्रीय कार्यालय बाट खटि गएको अख्तियार दुरुपयोग अनुसन्धान आयोग को टोलीले पक्राउ गरेको हो । घटनाको थप अनुसन्धान भैरहेको बताइएको छ ।