भक्तपुरपोस्ट संवाददाता ८ चैत, २०७६
८ चैत, २०७६हिमाल मिडिया प्रालिले हिमाल खबर पत्रिकाको प्रकाशन बन्द गर्ने भएको छ । नोभल कोरोना भाइरस (कोभेड १९) संक्रमण जोखिमका कारण उक्त साप्ताहिक पत्रिका बन्द हुने भएको हो ।
चैत ९ गते आइतबारको अंकपछि अनिश्चितकालका लागि पत्रिका बन्द भएको सम्पादक किरण नेपालले पुष्टि गरेका छन् । अवस्था सामान्य नहुन्जेलसम्म पत्रिका प्रकाशन नहुने उनले जानकारी गराए ।
यसअघि पनि केहि साप्ताहिक पत्रिकाका सम्पादकहरुले संयुक्त सूचना निकालेर पत्रिका बन्द गरेको घोषणा गरेका थिए । यसरी बन्द हुने पत्रिकाहरुमा जनआस्था, दृष्टि, देशान्तर, साँघु, बुधबार, तरुण, हाँक, घटना र विचार, जनआह्वान, तामाकोशी, राष्ट्रवाणी, समयवद्ध, मधेशवाणी, जनधारणा, पिपुल्स रिभ्यू, नेपालीपत्रलगायत छन् ।