News Portal

  • किमम फाउण्डेशनद्वारा विपन्न परिवारलाई राहत

    सीताराम चौधरी/कपिलवस्तु१६ चैत २०७६
    ७२३ पटक
    १६ चैत २०७६

    कपिलवस्तु  । ‘लकडाउन’को चपेटामा परेका कपिलवस्तुका करीब ४सय गरीब घरपरिवारलाई राहत वितरण गरिएको छ । किमम फाउण्डेशन नेपालले दयनीय जीवन विताइरहेका विपन्न घरपरिवारलाई राहत वितरण गरेको हो ।

    कृष्णनगर नगरपालिकाको करीब ४ सय गरीब घरपरिवारलाई झण्डै साढे ४ लाख बरारबरको राहत सामग्री वितरण गरिएको किमम फाउण्डेशन नेपाल कपिलवस्तुका अध्यक्ष शैख अब्दुल कयूम मदनीले जानकारी दिए । प्रति परिवारलाई २५ किलो चामल, ५ किलो दाल, ३ लिटर तेल, ५ किलो आलु तथा नुन, साबुन, सर्पm लगायतका सामग्री वितरण गरिएको उनले बताए ।

    खाद्य सामग्री वितरण गर्दै मदरसा बोर्ड ५नं.प्रदेशका उपाध्यक्ष मौलाना मशहूद खां ‘नेपाली’ले मिहिनेत मजदूरी गरी दैनिक छाक टार्दै आएका विपन्न परिवारलाई ठूलो राहत पुगेको विश्वास व्यक्त गरे । विश्वव्यापी महामारीको रुपमा फैलिएको कोरोना भाइरसलाई रोक्न सरकारले गरेको ‘लकडाउन’ का कारण रोजगारी बन्द हुँदा दैनिकी चलाउन समस्या परेका गरीब परिवारलाई दुई छाक टार्न गरिएको सहयोग प्रशंसनीय रहेको भन्दै मौलाना नेपालीले सहयोगी मनहरुप्रति आभार प्रकट गरे ।

    “यस्तो दुःखद घडीमा गरीब असहाय परिवारलाई सहयोग गर्नु नै सबैभन्दा ठूलो मानव धर्म हो । आ–आफ्नो ठाउँबाट सबैलाई असहायको सहयोगमा जुट्नुपर्छ” –राष्ट्रिय मदरसा संघ नेपालका राष्ट्रिय अध्यक्ष डा. अब्दुल गनी अल–कूफीले आग्रह गरे ।

    राहत वितरणमा नेकपा कृष्णनगर नगरसमिति अध्यक्ष जावेद आलम, युवा सहयोगी वसीम खान, कैफ खान, वसीउल्ला चौधरी लगायत व्यक्तित्वहरुको उपस्थिति रहेको थिए ।

    “यो दुःखद घडी हो र कोरोना भाइरसबाट आफू बचौं र अर्कालाई पनि बचाउन नेपाल सरकारले दिएको निर्देशन को पालन गर्दै हामी हर सम्भव नेपाली जनताको सुख दुःखमा सदैव उभिएका छौं र सकेसम्म आजको यो दुःखद घडीमा गरीब असहायको साथमा रहनेछौं” –किमम फाउन्डेसन नेपाल का अध्यक्ष शैख अब्दुल कयूम मदनीले प्रतिबद्धता जाहेर गरे ।

    प्रतिकृया दिनुहोस्

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...

    शिशु निकेतन स्कूलकी छात्रा होस्टेलमै मृत फेला

    चितवनको रत्ननगर नगरपालिका–१० स्थित एकता शिशु निकेतन बोर्डिङ स्कुलको होस्टलमा एक छात्रा मृत फेला परेकी...

    चाँगुनारायणमा घरफोडी दिनदहाडै चोरी, २ युवक पक्राउ

    भक्तपुरको चाँगुनारायण नगरपालिका वडा नं. ३ मा कोही नभएको मौका पारी दिनदहाडै चोरी गर्ने २...