भक्तपुर, २४ चैतपूर्वराजा ज्ञानेन्द्र शाहले राजनीतिक दललाई पाठ पढाएका छन् । कोरोना भाइरस संक्रमणसंग लड्नुपर्ने बेला एकापसमा नलड़न भन्दै उनले पाठ पढाएका हुन् ।
सामाजिक संजाल ट्विटरमार्फत उनले अनावश्यक राजनैतिक विषयवस्तु उठान गरी एक अर्काको विवादमा अल्मलिनु नहुने अर्ती दिएका छन् । सम्पूर्ण नेपाली एक भएर परिस्थितिसँग जुध्नु पर्ने बेलामा आरोपप्रत्यारोपमा अल्झनु घातक हुने उनको भनाइ छ ।
यतिखेर सम्पूर्ण विश्व नै कोरोना सन्त्रासका कारण मानवीय सभ्यता र यसको उपलब्धी जोगाउन हरसम्भव प्रयासमा लागि परेकोले नेपालमा पनि यसलाई रोक्न र नियन्त्रण गर्न एकजुट हुनुको बिकल्प नभएको उनले बताएका छन् ।
सामाजिक संजालमा उनले लेखेका छन् ”सम्पूर्ण विश्व नै कोरोना सन्त्रासका कारण मानवीय सभ्यता र यसको उपलब्धी जोगाउन हरसम्भव प्रयासमा लागि परेका बेला अनावश्यक राजनैतिक विषयवस्तु उठान गरी एक अर्काको विवादमा अल्मलिनु सर्वथा घातक हुनसक्छ । सम्पूर्ण नेपाली एक भएर पवित्र मनले परिस्थितिसँग जुध्नु आजको अनिवार्य आवश्यकता हो ।”
नेपाली कांग्रेसका नेता डा. प्रकाशशरण महतले वर्तमान सरकार विफल भएकाले मध्यावधी चुनाव गर्नुपर्ने धारणा व्यक्त गरेसंगै पूर्व राजाको अभिव्यक्ति आएपछि यसलाई अर्थपूर्णरुपमा हेरिएको छ ।