News Portal

  • काेराेना जित्दै संक्रमित : १९ वर्षीया प्रसिद्धी डिस्चार्ज,६५ वर्षीया महिलाको रिपोर्ट पनि नेगेटिभ

    भक्तपुरपोस्ट संवाददाता भक्तपुर, ६ वैशाख, २०७७
    ७०२ पटक
    भक्तपुर, ६ वैशाख, २०७७

    फ्रान्सबाट भियतनामकी साथीसँग फर्कदा काेराेना भाइरस संक्रमित भएकी काठमाडौँकी १९ वर्षीया युवती निको भएर घर फर्किएकी छन्। काठमाडौँको मैतीदेवी घर भएकी १९ वर्षीया प्रसिद्धी श्रेष्ठ टेकुमा रहेकाे शुक्रराज ट्रपिकल तथा सरूवा रोग अस्पतालमा २७ दिनसम्म उपचार गरी पूर्ण रूपमा स्वस्थ भएर शनिबार डिस्चार्ज भएकी हुन्। अस्पतालले उनकाे सबै रिपोर्ट नेगेटिभ भएपछि शनिबार डिस्चार्ज गरेको जनाएकाे छ ।

    प्रसिद्धि नेपालको दोस्रो कोराना संक्रमित हुन् । उनमा काेराेना संक्रमण भएसँगै नेपालमा लकडाउनकाे निर्णय गरिएकाे थियाे । उनी फ्रान्सबाट चैत ४ गते कतार हुँदै नेपाल आएकी थिइन । उनमा चैत १० गते संक्रमण भएको पुष्टि भएको थियो। सोही दिनदेखि नै उनलाई शुक्रराज ट्रपिकल तथा सरुवा रोग अस्पतालको आइसोलेसनमा वार्डमा उपचारका लागि भर्ना गरिएको थियो। अस्पतालबाट बाहिर निस्कँदै उनले आफू पूर्ण रुपमा निको भएर घर फर्किएको प्रतिक्रिया दिइन्।

    टेकु अस्पतालमै धादिङका अर्का युवाकाे पनि उपचार भइरहेकाे छ । उनको स्वास्थ्य अवस्था पनि सामान्य रहेको बताइएकाे छ । उनी यूएईबाट नेपाल आएका थिए । अस्पतालले उनमा पनि अरु कुनै समस्या पनि नरहेकाे र स्वास्थ्य अवस्था सामान्य रहेकाे जनाएकाे छ । उपचाररत अधिकांश संक्रमितमा कुनै पनि लक्षण नभेटिएको अस्पतालले जनाएकाे छ ।

    यसअघि पहिलाे संक्रमित चीनको वुहानबाट फर्केका युवा निको भएर घर फर्किसकेका छन् भने बागलुङकी ६५ वर्षीया महिलाको रिपोर्ट पनि नेगेटिभ आएको छ। नेपालमा अहिलेसम्म ३० जनामा कोरोना भाइरसको संक्रमण देखिएको छ। संक्रमितको संख्या सबैभन्दा बढी प्रदेश १ र सुदूरपश्चिम प्रदेशमा रहेको छ।

    प्रतिकृया दिनुहोस्

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...