News Portal

  • भक्तपुर नगरपालिकाद्वारा एसईई लक्षित भर्चुअल कक्षा शुरु

    भक्तपुरपोष्ट संवाददाता८ वैशाख २०७७
    १२८८ पटक
    ८ वैशाख २०७७

    भक्तपुर । भक्तपुर नगरपालिकाद्वारा कक्षा १० का एसईईका विद्यार्थीलक्षित भर्चुअल कक्षा प्रसारण शुरु गरेको छ ।

    नगर शिक्षा स्रोत व्यक्ति कृष्णप्रसाद कर्माचार्यका अनुसार भादगाउँ टेलिभिजनमार्फत् हरेक साँझ ५ बजे देखि ८ बजेसम्म विभिन्न विषयको कक्षा सुरु भएको हो ।

    एसईई परीक्षाको लागि अंग्रेजी, गणित, विज्ञान, नेपाली, सामाजिक आदि सबै अनिवार्य विषयको कक्षा सञ्चालन भइरहेको जनाइएको छ ।

    नगरपालिकाका प्रमुख सुनिल प्रजापतिको अध्यक्षतामा गत बिहीबार सम्पन्न नगर शिक्षा समितिको बैठकले भर्चुअल कक्षा सञ्चालन गर्ने निर्णय गरेको थियो ।

    कोरोना संक्रमणका कारण नेपाल सरकारले गरेको लकडाउनको समयलाई सदुपयोग गर्न नगरपालिकाको प्रायोजनमा एसईई लक्षित भर्चुअल कक्षा भादगाउँ टिभीमार्फत प्रसारण गर्ने निर्णय गरेको थियो ।

    बैठकले कक्षा प्रसारणको लागि आवश्यक व्यवस्था नगर शिक्षा शाखालाई जिम्मेवारी दिने निर्णयसमेत गरेको थियो ।

    उक्त कक्षा सबै विद्यार्थीले हेरेका छन्, छैनन् भनेर सम्बन्धित विद्यालयमा सम्पर्क गरेर बुझ्ने प्रयास भइरहेको नगरपालिकाले जनाएको छ । विद्यार्थीले पढाएको विषयबस्तु नबुझे शिक्षकलाई फोनमार्फत् सोध्न सकिने जनाइएको छ ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...