News Portal

  • खाद्यान्न अभाव भोगेका विद्यार्थी र अभिभावकलाई द्वारिकादास माविको राहत

    भक्तपुरपोष्ट संवाददाता१४ वैशाख २०७७
    ८३८ पटक
    १४ वैशाख २०७७

    चितवन । रत्ननगर नगरपालिका–१४, पिठुवास्थित द्वारिकादास माध्यमिक विद्यालयले खाद्यान्न अभाव भोगेका विद्यार्थी र तिनका अभिभावकहरुलाई राहत वितरण गरेको छ । आइतवार विद्यालयले २ सय विद्यार्थीका ९८ अभिभावकलाई खाद्यान्न वितरण गरेको हो ।

    लकडाउनको अवधि लम्बिदै जाँदा न्यूनआयस्रोत भएका अभिभावकहरुलाई छाक टार्नै मुस्किल परेको देखेपछि विद्यालयका शिक्षकहरुबाट सहयोग संकलन गरि खाद्यान्न वितरण गरिएको विद्यालयका प्रधानाध्यापक नेत्र घिमिरेले जानकारी दिए ।

    ‘बिचरा ती अबोध बालबालिकालाई के थाहा बाबुआमाले कसरी खुवाउने गर्नुभएको छ भन्ने कुरो, बिहान बेलुका छाक टार्न दिनभरी ज्यालामजदुरी गरेर बालबालिकालाई खुवाउने गरेका अभिभावक लकडाउनको कारण काम गर्न नपाएपछि उनीहरुको चुलो निभ्न नदिन खाद्यान्न सहयोग गरिएको हो’– प्रअ घिमिरेले भने, ‘विपन्न अबोध बालबालिकाको मुहारमा  हासो ल्याउने प्रयास मात्रै हो ।’

    विद्यालयले प्रत्येक परिवारलाई पहिलो चरण अन्तर्गत १५ केजी चामल, एउटा तेल र साबुन वितरण गरेको हो ।

    विद्यालयको यस अभियानलाई विव्यस, शिक्षकले आर्थिक सहयोग,  पूर्वविद्यार्थी अमिर बगाले ५ बोरा चामल र समाजसेवी प्रलाद सापकोटाले  दश हजार सहयोग गरेका थिए । विद्यालयले राहत नदोहरियोस भनेर १४ नम्बर वडासँग समन्वय गरेर वितरण गरेको प्रअ घिमिरेले जानकारी दिए ।

    ‘शिक्षक, विद्यार्थी र अभिभावक एउटै परिवार भएपछि परिवारका एक सदस्य भोको रहेको अर्कोले कसरी हेरेर बस्न सक्छ’- उनले भने, ‘त्यसैले सहयोग गरेका हौं ।’

    यसक्रममा २८ चेपाङ विद्यार्थीका १५ परिवारले पनि खाद्यान्न पाएका छन् । खाद्यान्न पाएपछि विद्यार्थी र अभिभावकहरु हर्षित भएका थिए ।

    एक चेपाङ अभिभावकले राहत बुझ्दै भने– ‘स्कूलले पढाउछ मात्रै भनेको सघाउने पनि रैछ ।’

    प्रतिकृया दिनुहोस्

    पानी पटाउँदा करेन्ट लागेपछि भक्तपुरमा एक किसानको निधन

    खेतमा पानी लैजाने क्रममा करेन्ट लागी भक्तपुरमा एक किसानको ज्यान गएको छ । भक्तपुर नगरपालिका...

    आज मध्यपुर थिमिमा हात्ती माथि नाँच देखाइने

    मंगलबार मध्यपुर थिमिका विभिन्न स्थानमा पुलु किसि नाच देखाइने भएको छ। करिव चार वर्षपछि आज...

    भक्तपुरमा सहकारीकर्मीको बागमती प्रदेश समिट हुने

    बागमती प्रदेश बचत तथा ऋण सहकारी संघ (बागमती प्रोस्कून) को आयोजनामा यही फागुन १६ र...

    ७१ वर्षमा विवाह

    डोटीको जोरायल गाउँपालिका-५ भाम गाउँका ७१ वर्षीय वृद्धले आफ्नो प्रेमलाई विवाहमा परिणत गरेका छन् ।...

    अन्ना स्टिरले पाउने भइन् यो वर्षको कालीभक्त पन्त लोकसाहित्य अन्तर्राष्ट्रिय पुरस्कार

    फलेवास पर्वत । कालीभक्त–कृष्णा पन्त स्मृति प्रतिष्ठानद्वारा स्थापित कालीभक्त पन्त लोकसाहित्य अन्तर्राष्ट्रिय पुरस्कार २०८० अमेरिकन...