News Portal

  • एसईई पालिका, कक्षा ११ प्रदेश र कक्षा १२ को परीक्षा राष्ट्रियस्तरमा गर्न सुझाब

    भक्तपुरपोष्ट संवाददाता१५ वैशाख २०७७
    ८५३ पटक
    १५ वैशाख २०७७

    काठमाडौं । एकीकृत अखिल नेपाल शिक्षक संगठनले एसईई परीक्षा होमसेन्टर सहित पालिका, कक्षा ११ प्रदेश र कक्षा १२ को परीक्षा राष्ट्रिय स्तरमा सामाजिक दुरि कायम गर्दै सञ्चालन गर्न सुझाब दिएको छ ।

    संगठनको आइतबार बसेको केन्द्रिय समितिको अनलाइन बैठकले शिक्षा मन्त्रालयलाई यस्तो सुझाब दिने निर्णय गरेको हो । बैठकले यदि परिस्थिति समान्य हुन ढिलाइ भएमा कक्षा १२ को परीक्षा मात्र राष्ट्रियस्तरमा र अन्य परीक्षा विद्यालयले विगतमा गरेको विद्यार्थी मूल्याङ्कनको आधारमा गर्न पनि माग गर्ने निर्णय गरेको छ ।

    यस्तै बैठकले नतिजा प्रकाशन र भर्ना अभियान फोन, म्यासेज र अनलाइन मार्फत नै सम्पन्न गर्ने गरि व्यवस्था मिलाउनसमेत मन्त्रालयलाई सुझाब दिने निर्णय गरेको संगठनका अध्यक्ष शंकर अधिकारीले जानकारी दिए ।

    यस्तै, संगठनले तत्काल विद्यालयहरुमा सूचना प्रविधिमार्फत शिक्षण सिकाइ सूचारु गर्ने वातावरण तयार गर्न मन्त्रालयलाई विशेष कार्ययोजना निर्माण गर्नसमेत माग गर्ने निर्णय गरेको अध्यक्ष अधिकारीले जानकारी दिए ।

    यस्तै, बैठकले शिक्षकहरुलाई भर्चुअल कक्षा सञ्चालनका लागि अनलाइन शिक्ष्ण तालीम प्रदान गर्ने निर्णय गरेको छ । लकडाउन अवधिभर डिजिटल अध्यापनका लागि सातै प्रदेशमा ५ दिने अनलाइन तालिम सञ्चालन गर्ने र १ हजार रोस्टर तयार गर्ने निर्णय भएको अध्यक्ष अधिकारीले बताए ।

    त्यसको व्यवस्थापनका लागि संगठनका केन्द्रीय उपाध्यक्ष इन्द्रराज भट्टराई संयोजक र केन्द्रीय सदस्य देविदत्त पौडेल सहसंयोजक रहेको ७ सदस्यीय कार्यदल निर्माण गर्ने निर्णय भएको जनाइएको छ ।

    बैठकमा अध्यक्ष अधिकारीले बैठकको एजेन्डा प्रस्तुत गरेका थिए । यस्तै, सातै प्रदेशका प्रदेश महासचिवहरुले समसामयिक सवालमा धारणा राखेका थिए ।

    बैठकमा संगठनका अर्थ उपमहासचिव कुल प्रसाद खतिवडाले प्रस्तुत गरेको आर्थिक प्रतिवेदन, महासचिव निम बहादुर केसीले प्रस्तुत गरेका सांगठानिक प्रतिवेदनमाथि छलफल भएको थियो । यस्तै, महासंघका सहअध्यक्ष पुर्णप्रसाद दुवाडीले महासंघका काम, कर्तव्य र आगामी रणनीतिका बारेमा ब्रिफिङ गरेका थिए ।

    हेर्नुहोस् बैठकका मुख्य निर्णयहरु
    १) लक डाउन अवधिभर डिजिटल अध्यापनका लागि सातै प्रदेशमा ५ दिने अनलाइन तालिम सञ्चालन गर्ने र १ हजार रोस्टर तयार गर्ने । तालीम सञ्चालन प्याकेज तयार गर्न केन्द्रीय उपाध्यक्ष इन्द्रराज भट्टराई संयोजक र केन्द्रीय सदस्य देविदत्त पौडेल सहसंयोजक रहने गरि माधव महरा दाङ, अन्जु लामा काठमाडौं, सुशील उप्रेती भक्तपुर, राजेन्द्र महरा काठमाडांै र भुवन सुवेदी कास्की रहेको ७ सदस्यीय कार्यदल निर्माण गरियो उक्त कार्यदलले एक हप्ता भित्र प्याकेज निर्माण गरिसक्ने छ ।

    २) नेपाल सरकारले घोषणा गरेको लडाउनलाई पालना गर्न शिक्षक, विद्यार्थी र अभिभावकहरुसँग समन्वय गर्ने ।

    ३) एसईई परीक्षा होम सेन्टर व्यवस्थापनमा पालिकामा, कक्षा ११ को परीक्षा प्रदेशस्तर र १२ को परीक्षा राष्ट्रिय स्तरमा सामाजिक दुरि कायम गरि सम्पन्न गर्न शिक्षा मन्त्रालयसँग जोडदार माग गर्ने । यदि परिस्थिति अस्तव्यस्त भएमा कक्षा १२ को परीक्षा मात्र राष्ट्रियस्तरमा र अन्य परीक्षा विद्यालयले विगतमा गरेको विद्यार्थी मूल्याङ्कनको आधारमा गर्ने ।

    ४) नतिजा प्रकासन र भर्ना अभियान फोन, म्यासेज र अनलाइनमार्फत् नै सम्पन्न गर्नेगरी मिलाउने ।

    ५) प्रविधिमार्फत् अध्ययन–अध्यापन गराउने नयाँ वातावरण तयगर्न शिक्षा मन्त्रालयलाई विशेष कार्ययोजना निर्माण गर्न माग गर्ने ।

    ६) शिक्षक महासंघले घोषणा गरेको एक दिनको तलबमानको रकम कोरोना राहत प्याकेज जम्मा गर्न सबै आबद्ध घटकहरुसँग छलफल गर्ने र पहलकदमी लिने ।
    ७) हाल देशमा विषम परिस्थिति छ, यो संगीन र जटिल अवस्थामा नेपाल शिक्षक महासंघको विधान संशोधन भइसकेको अवस्थामा सबै एकाकार भएर जानुको विकल्प नरहेको ठहर गरेको छ ।

    ८) नेपाल सरकारले नीति र कार्यक्रम घोषणा गर्ने समयावधि नजिक आइसकेको अवस्थामा महासंघ र शिक्षा मन्त्रालयबिच भएको बाल विकास (इसिडि शिक्षक), विद्यालय कर्मचारीको तलबमान वृद्धि, शिक्षक अस्पताल लगायतका सम्झौता कार्यान्वयन गर्न साथै,कक्षा ११ र १२ मा कार्यरत शिक्षक, राहत शिक्षक एवं निजी विद्यालयमा कार्यरत शिक्षकको व्यवस्थापन तत्काल गर्न शिक्षा मन्त्रालयलाई दवाब दिने ।

    ९) एकता प्रक्रियालाई तार्किक निष्कर्समा पुर्याउन लकडाउन लगत्तै पार्टी र सम्बन्धित पक्षसँग व्यापक छलफल चलाउने । एकता प्रक्रिया सफल बनाउन सबै कमिटिहरुले आफुलाई तयार पार्ने ।

    १०) ११ दिने अनलाइन तालीम सम्पन्न गरेकोमा एकीकृत अखिल नेपाल शिक्षक संगठन पोखरा माहानगर पालिका र कास्की जिल्ला संगठनलाई धन्यवाद प्रदान ग¥यो ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...