News Portal

  • केपी ओली र प्रचण्डले संयुक्त विज्ञप्ति जारी गर्दै भने: भारतले निन्दनीय काम गर्यो

    भक्तपुरपोष्ट संवाददाता२८ वैशाख २०७७
    ८८५ पटक
    २८ वैशाख २०७७

    काठमाडाैं । सत्तारुढ नेपाल कम्युनिष्ट पार्टी (नेकपा) ले भारतद्वारा नेपाली भूमि लिपुलेक हुँदै सडक निर्माण गरेको कदमको निन्दा गरेको छ।

    ‘सम्पूर्ण मानवसमुदाय अहिले कोरोना भाइरसबाट सिर्जित स्वास्थ्य संकटसँग जुधिरहेको र यहि महामारीका विरुद्ध हाम्रा सबै प्रयास केन्द्रित रहेका बेला यसाे गरिनु निन्दनीय छ,’ नेकपा अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डद्वारा शनिबार संयुक्तरुपमा जारी विज्ञप्तिमा भनिएको छ।

    ‘भारतको यो एकपक्षीय कदम सीमासम्बन्धी समस्यालाई दुवै तर्फका सरकारको उच्चतम तहमा भएका सहमतिबमोजिम दुई देशद्वारा स्थापित संयन्त्र हरुमार्फत् समाधान गर्नका लागि नेपालको तर्फबाट पटक पटक गरिएका अनुरोधकाे विपरित छ,’ नेकपा अध्यक्षद्वयले भनेका छन्, ‘दुई पक्षबीच भएका समझदारीका आधारमा कुटनीतिक माध्यमबाट सीमासम्बन्धी विषयहरु सुल्झाउनका लागि आवश्यक पहल गर्न नेपाल र भारतका सरकारलाई नेकपा आग्रह गर्दछ।’

    नेकपाले सुगौली सन्धी (१८१६) बमोजिम नेपाल सरकारले काली (महाकाली) नदीदेखि पूर्वका लिम्पियाधुरा, कालापानी, र लिपु लेकसहित सम्पूर्ण भूमि नेपालको भएको बताएको छ।

    शनिबार अपरान्ह परराष्ट्र मन्त्रालयले एक विज्ञप्ति जारी गर्दै भारतले एकपक्षीय रुपमा सो सडक निर्माण गरेर नेपालसँग भएका सहमतिहरुको उल्लंघन गरेको बताएको थियो।

    त्यसको केहि घण्टापछि भारतको विदेश मन्त्रालयले भारतले बनाएको सडक भारतीय भूमिमै पर्ने दाबी गरेको छ। भारतको विदेश मन्त्रालयले शनिबार जारी गरेको विज्ञप्तिमा भनिएको छ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...