भक्तपुरपोस्ट संवाददाता भक्तपुर, १४ जेठ
भक्तपुर, १४ जेठकाठमाडौं उपत्यकामा काेराेना संक्रमण बाट एक जनाकाे निधन भएकाे छ । ललितपुरमा एक कोरोना संक्रमितको निधन भएको हो ।
इमाडोल स्थित किस्ट अस्पतालमा रहेका एक काेराेना संक्रमितकाे मृत्यु भएसँगै नेपालमा कोरोनाबाट मृत्यु हुनेको संख्या ५ पुगेको छ ।मृत्यु हुने व्यक्ति ललितपुर महानगरपालिका-२२ का ५७ वर्षीय पुरुष हुन ।
उनको बुधबार साँझ अस्पतालमा कोरोना संक्रमणका कारण निधन भएको हो । उनकाे बुधबारै आएको कोरोना परीक्षणको रिपोर्टले कोरोना पोजेटिभ देखाएको स्वास्थ्य कार्यालय, ललितपुरका प्रमुख डा. खगेश्वर गेलालले जानकारी दिए ।
स्रोतका अनुसार मृतक कलेजो सम्बन्धि रोगबाट ग्रसित भएर पाटन अस्पतालमा पुगेका थिए । त्यहाँ बाट ललितपुरको इमाडोलमा रहेको किष्ट अस्पताल भर्ना भएका ती व्यक्तिको उपचारकै क्रममा बुधबार बेलुका ७ बजे मृत्यु भएको हो ।