भक्तपुर, १९ जेठजेठ १९ अर्थात, तत्कालीन राजा वीरेन्द्रको बंश विनाश भएको दिन । उनको बंश विनाश भएको आज १९ वर्ष पूरा भएको छ ।
दरवार हत्याकाण्डको रुपमा इतिहासमा अविस्मरणिय यो घटना २०५८ जेठ १९ गते राती घटेको थियो । तत्कालिन राजा वीरेन्द्र, रानी ऐश्वर्य, युवराज दीपेन्द्र, अधिराजकुमार निराजन, अधिराजकुमारी श्रुती लगायत राजपरिवारका १० सदस्यहरुको दरबारभित्रै रहस्यमय हत्या भएको थियो ।
गोली चलाई गरिएको नरसंहारको दोष भने तत्कालिन छानवीन समितिले युवराज दीपेन्द्रलाई लगाएको थियो । युवराज दीपेन्द्रले प्रेम सम्बन्धको बिबादका कारण स्वचालित हतियार चलाई नरसंहार मच्चाएको र अन्त्यमा आत्महत्या गरेको बताइएपनि त्यसलाई मानिसहरुले विस्वास गरेका छैनन् ।
उक्त दरवार हत्याकाण्डपछि राजा भएका ज्ञानेन्द्र शाहले राजतन्त्रको विरासत बचाउन सकेनन । ७ वर्षपछि २०६५ जेठ १५ गते देशाम गणतन्त्रको घोषणा गरिएको छ । गणतन्त्रको घोषणा हुनु अघि नै २०६२/२०६३ को जनआन्दोलनको सफलाता संगै उनी राजगद्दी त्याग्न बाध्य बनेका थिए ।