नेपालमा कोरोना भाइरस संक्रमण (कोभिड १९) का कारण एक २० वर्षीय युवकको ज्यान गएको छ । उनको मृत्यु संगै मृतकको संख्या ११ पुगेको छ ।

मृत्यु हुनेमा सुर्खेतका २० वर्षीय युवक रहेका छन् । क्वारेन्टाइनबाट घर फर्केपछि मृत्यु भएका उनको रिपोर्ट कोरोना पोजेटिभ पुष्टि भएको हो ।

पञ्चपुरी नगरपालिका–१, सानीडाँडाका २० वर्षीय ति युवकको बिहीवार राती करिब २ बजे मृत्यु भएको हो । मृत्यु पछि लिएको स्वाबको पिसिआर रिपोर्टमा कोरोना पोजेटिभ पाइएकोले उनको  मृत्युको कारण कोरोना भएको कर्णाली प्रदेशको सामाजिक विकाश मन्त्रालयका स्वास्थ्य महाशाखा प्रमुख डा लक्ष्मीनारायण तिवारीले जानकारी दिए ।

डा तिवारीका अनुसार आरडिटि रिपोर्ट नेगेटिभ आएपछि उनलाई बुधवार मात्र क्वारेन्टाइन बाट घर पठाइएको थियो । उपचारका लागि पठाउनुपर्ने व्यक्तिलाई आरडिटि रिपोर्टका आधारमा घर पठाउदा ज्यान गएको हो ।