भक्तपुरपोस्ट संवाददाता भक्तपुर, ४ असार
भक्तपुर, ४ असारनेपालमा बिहीवार ६सय ७१ जना कोरोना संक्रमित थपिएका छन् ।देशभर गरिएको परीक्षणका क्रममा बिहीवार थप ६७१ जनामा कोरोना भाइरसको संक्रमण पुष्टि भएकाे हो।
स्वास्थ्य तथा जनसंख्या मन्त्रालयले नियमित पत्रकार सम्मेलन मार्फत उक्त जानकारी गराएको हो । प्रवक्ता डा जागेश्वर गौतमका अनुसार ६७१ जनामा संक्रमण देखिएसंगै संक्रमित संख्या ७ हजार ८ सय ४८ पुगेको छ ।
त्यसैगरी थप १९ जना उपचारपछि निको भएर डिस्चार्ज भएका छन् । योसंगै डिस्चार्ज हुनेको संख्या १हजार १सय ८६ पुगेको गौतमले जानकारी गराए ।
प्रवक्ता डा गौतमका अनुसार देशका ७४ जिल्लामा फैलिएको संक्रमणका कारण हालसम्म २२ जनाले ज्यान गुमाएका छन् ।