भक्तपुर, २० असारसत्तारुढ दल नेपाल कम्युनिष्ट पार्टी(नेकपा)मा गुटगत सरगर्मी देखिएपछि कार्यकर्ताहरु निराश देखिएका छन् । यसैबीच नेकपाका केन्द्रीय सदस्य समेत रहेका सांसद महेश बस्नेतले गुटगत राजनीति गरेकाे आराेप लागेकाे छ ।
उनकै कार्यकर्ता भक्तपुर जिल्ला कमिटीका सदस्य एवम् युवा संघका केन्द्रीय सदस्य दिनेश थपलियाले बस्नेतले गुटगत राजनीति गरिरहेकाे बताएका हुन् । पार्टी अध्यक्ष पनि रहेका प्रधानमन्त्री केपी अेाली पक्षधर मानिने बस्नेतले पार्टी लाइ बलियाे बनाउनुकाे सट्टा प्रधानमन्त्री अेालीकेा पद जाेगाउन सडकमा मानिस अेारालेकाे भन्दै थपलियाले असन्तुष्टि जनाएका हुन् ।
”भक्तपुरकाे अभिभावक बन्दै देशकै नेता बनेर समग्र पार्टीलाई मिलाउनु पर्नेमा किन गुटगत राजनीतिलाई प्रसय दिई सडकमा आफ्ना पङ्तिलाई पठाउनु हुन्छ ?” सामाजिक संजालमार्फत उनले बस्नेतसंग प्रश्न गरेका छन् । समग्र युवाहरूलाई पार्टी बचाउन र नेतृत्वलाई दायाँबायाँ नगर्नकाे निम्ति दबाब दिन सहयाेग गर्नुपर्नेमा गुटगत राजनीति गरेर पार्टी कमजाेर पार्ने कार्य गरेकाे भन्दै उनले असन्ताेष ब्यक्त गरेका हुन् ।
”गुट्काे राजनीति गरेकाे कत्ति पनि सुहाएन दाइ ! तपाइँसंग पछाडिकाे पुस्ताले के सिक्ने?” उनले प्रश्न गरेका छन् । एकाङ्की नबन्न अनुराेध गर्दै उनले भनेका छन्, ” कुखुराकाे भालेले म नबासी उज्यालाे हुदैन भन्नू र सडकमा गएर रूवाबासी गर्दै मलाई नै प्रधानमन्त्री हुनलाई दबाब देउ भन्नू उस्तै हाे !!! भाले नभएकाे घरमा पनि उज्यालोकाे प्रकाश अवस्य आउँछ !चेतना भया !!”