भक्तपुर, २१ असारसत्तारुढ दल नेपाल कम्युनिष्ट पार्टी (नेकपा) भित्रको आन्तरिक बिबाद उत्कर्षमा पुगेपछि निर्णायक वार्ता शुरु भएकाे छ । यस अघिका वान टु वान वार्ता बिना निष्कर्ष टुङ्गिएपछि अध्यक्षद्वय केपी आेली र प्रचण्ड सहयाेगी नेताहरु सहित निर्णायक वार्तामा जुटेका छन् ।
आइतबार प्रधानमन्त्री निवास बालुवाटारमा नेकपा अध्यक्षद्वय केपी शर्मा ओली र पुष्पकमल दाहाल प्रचण्डबीच निर्णायक वार्ता शुरु भएको हो । स्रोतका अनुसार छलफलमा प्रचण्ड ऊर्जामन्त्री समेत रहेका पार्टीका स्थायी कमिटी सदस्य वर्षमान पुन ‘अनन्त’ र जनार्दन शर्मा ‘प्रभाकर’ लाइ लिएर सहभागी भएका छन् भने ओलीसंग महासचिव विष्णु पौडेल र प्रदेश ५ का मुख्यमन्त्री समेत रहेका ओलीनिकट नेता शंकर पोखरेल सहभागी रहेका छन् । पार्टी फुर्टतर्फ अघि बढेपछि त्यसलाइ राेक्न र एकता बचाउन अध्यक्ष प्रचण्ड निर्णायक वार्तामा पुगेका उनी निकट नेताले बताए ।
प्रधानमन्त्रीलाई भेट्नुअघि अध्यक्ष दाहालसहित पार्टीका वरिष्ठ नेताद्वय माधव कुमार नेपाल र झलनाथ खनाल राष्ट्रपति विद्यादेवी भण्डारीलाई भेट्न शीतलनिवास पुगेका थिए । प्रधानमन्त्री आेलीका कारण पार्टीमा समस्या भएकाे भन्दै सम्झाइदिन उनीहरुले राष्ट्रपति भण्डारीलाई आग्रह गरेका बताइएकाे छ ।