भक्तपुरपोष्ट संवाददाताभक्तपुर, २१ असार
भक्तपुर, २१ असार झुठ्ठा विवरण पेश गरी विदेशी नागरिकलाई नागरिकता बनाई दिएको अभियोगमा गठ्ठाघरबाट एकजना निजामती कर्मचारी पक्राउ परेका छन् । जिल्ला प्रशासन कार्यालय झापाका प्रशासकीय अधिकृत रहदा उक्त कार्य गरेको अभियोगमा उनी पक्राउ परेेेका हुन् ।
पक्राउ पर्नेमा जिप्रका झापाका तत्कालीन प्रशासकीय अधिकृत सुरेश आचार्य रहेका छन् । उनलाई गठ्ठाघरबाट शनिबार प्रहरीले पक्राउ गरेको हो ।
२०७२ मंसिर १० गते झुठ्ठा विवरण पेश गरी विदेशी नागरिकलाई नागरिकता राहदानी बनाई दिएको कसुर मुद्धामा जिल्ला अदालत झापाबाट वारेन्ट जारी भएका आचार्यलाई महानगरीय अपराध महाशाखाको समन्वयमा जिल्ला प्रहरी कार्यालय झापाबाट खटिएको प्रहरीले पक्राउ गरेको बताइएको छ ।
आचार्यलाई आवश्यक कारबाहीको लागि आइतबार जिल्ला अदालत झापामा बुझाइएको प्रहरीको भनाइ छ ।