भक्तपुरपोष्ट संवाददाताभक्तपुर, २१ असार
भक्तपुर, २१ असार सत्तारूढ दल नेपाल कम्युनिस्ट पार्टी (नेकपा) को आन्तरिक बिबाद समाधानका लागि प्रस्तावित पाँच बुदे ड्राफ्ट प्रोपोगान्डा मात्र भएको थाहा भएको छ । सामाजिक संजालमा प्रोपोगन्डाको रुपमा त्यसलाई भाइरल गराइएको बताइएको छ ।
सामाजिक संजालमा सहमतिका लागि तैयार गरिएको ५ बुँदे ड्राफ्ट भन्दै आएको कुरा निराधार हल्ला मात्र भएको नेकपा अध्यक्ष प्रचण्डको स्वकीय सचिव गङ्गा दाहालले जानकारी गराएकी हुन् । “यो कुरा प्रपोगान्डा मात्र हो ।यसमा कुनै सत्यता छैन ।” उनले भनिन् ।
अध्यक्ष प्रचण्ड पार्टी लाई फुट बाट बचाउन अहोरात्र खटिरहेका भन्दै स्वकीय सचिव दाहालले पार्टी एकता बिरोधीको निराधार हल्लाको भ्रममा नपर्न आग्रह समेत गरेकी छन् ।