भक्तपुर, २५ असारचैत ११ देखि जारी लकडाउन भोलि शुक्रवार बाट खुकुलो हुने भएको छ । घर र ग्यारेजमा थन्किएका भाडाका सबै सवारी शुक्रवारबाट सुचारु हुने भएका छन् ।
सरकारले एउटै जिल्लाभित्र चल्ने सार्वजनिक सवारी साधन संचालन गर्न दिने निर्णय गरेको हो । काठमाडौ उपत्यकाको हकमा भने भक्तपुर,ललितपुर र काठमाडौं चलन पाउने बताइएको छ ।
अर्थ, सूचना तथा सञ्चार मन्त्री डा. युवराज खतिवडाले मन्त्रिपरिषदको उक्त निर्णय बिहीबार सार्वजनिक गरेका हुन् ।मन्त्रिपरिषदका निर्णय सार्वजनिक गर्न आयोजना गरिएको पत्रकार सम्मेलनमा सूचना तथा सञ्चार प्रविधि मन्त्रालयकाे जिम्मेवारी सम्हालेका सरकारका प्रवक्ता तथा अर्थमन्त्री युवराज खतिवडाले जेठ २८ र असार १२ मा गरिएका लकडाउनसम्बन्धि निर्णयहरुमा असार २३ मन्त्रिपरिषद्ले परिपूरक निर्णय गरेको बताए ।
शुक्रवार बाट चल्ने सार्वजनिक सवारीमा भौतिक दूरी कायम राखेर मात्रै यात्रुहरु चढाउन पाइनेछ र ती सवारीमा सिट क्षमताको ५० प्रतिशत यात्रु मात्रै राख्न पाइने बताइएको छ । यस्तै, सवारी साधानको ढोकामा सेनिटाइजर अनिवार्य गरिएको छ भने मास्क र सेनिटाइजर प्रयोग गर्न भनिएको छ । चालक र सहचालकले अनिवार्यरुपमा मास्क र ग्लोब लगाउनु पर्ने सरकारले निर्देशन गरेको छ । साथै, ५० प्रतिशत सम्म बढी भाडा लिन पाउने समेत व्यवस्था गरेको छ ।