भक्तपुरपोस्ट संवाददाता बारा, २९ असार
बारा, २९ असारप्रहरी हिरासतमा रहेका अभियुक्तलाई छुटाइदिने भन्दै पैसा बार्गेनिङ्ग गर्ने पत्रकार पक्राउ परेका छन् । बाराका एसपी कृष्ण पंगेनीसंग आफ्नो राम्रो सम्बन्ध भएको भन्दै पैसा बार्गेनिङ्ग गर्ने पत्रकार पक्राउ परेका हुन् ।
पक्राउ पर्ने स्थानीय पत्रकार भैयाराम साह हुन् । पैसा बार्गेनिङ्ग गरेको अडियोसहित पत्रकार भैयारामलाई प्रदेश प्रहरीले पक्राउ गरेको हो ।
१ सय २५ केजी गाँजासहित पकाउ परेका अभियुक्तहरूलाई छुटाइदिने भन्दै भैयारामले बार्गेनिङ गरेकोे प्रहरीको भनाइ छ । बारा जिल्ला अदालतले उनलाई १० दिन हिरासतमा राख्ने अनुमति दिएपछि प्रहरी थप अनुसन्धानमा जुटेको बताइएको छ। पत्रकार भैयाराम बारामा तत्कालिन माओवादी कार्यकर्ताद्वारा हत्या गरिएका भनिएका वीरेन्द्र साहका भाइ हुन् ।