भक्तपुर, ८ साउन सरकारले अधिकृत स्तर र सोभन्दा माथि समेतका बिभिन्न पदमा करारमा अस्थायी कर्मचारी राख्ने भएको छ । विभिन्न मन्त्रालयहरू र तिनका आयोजनामा आवश्यक कर्मचारी करारमा राख्ने भएको हो ।
मन्त्रिपरिषद् बैठकले अस्थायी दरबन्दी स्वीकृत गरेसंगै अधिकृत स्तर र सोभन्दा माथि समेतका बिभिन्न पदमा करारमा अस्थायी कर्मचारी राख्ने बाटो खुलेको छ । यस्ता विभिन्न पदमा करिब १ हजार ७ सय कर्माचारीले रोजगारी पाउने भएका छन् ।स्थायी दरबन्दी नभएका ति पदहरुमा छोटो समयका लागि अस्थायी दरबन्दी स्वीकृत भएको हो ।
यो संगै श्रम, रोजगार तथा सामाजिक सुरक्षा मन्त्रालय अन्तर्गत सञ्चालित कार्यक्रमका लागि सबैभन्दा बढी बढी दरबन्दी स्वीकृत भएको छ । यसका लागि ७ सय १५ अस्थायी दरबन्दी स्वीकृत भएको हो । ऊर्जा, जलस्रोत तथा सिँचाई मन्त्रालय अन्तर्गत सञ्चालित आयोजनाका लागि करिब ४ सय जनाको दरबन्दी सृजना गरेको ऊर्जाको दरबन्दी स्वीकृत भएको छ भने सोही संख्यामा सडक विभाग र रेल विभाग अन्तर्गत सञ्चालन हुने ५२ वटा आयोजनाका लागि समेत अस्थायी दरबन्दी स्सृजना भएका छन् ।त्यसैगरी खानेपानी मन्त्रालयका आयोजनाहरूका लागि २ सय ३८ जनाको दरबन्दी सृजना भएको छ ।