भक्तपुर, १६ साउननेपाली कांग्रेसका युवा नेतासमेत रहेका सांसद गगन कुमार थापाले सरकार कोभिड १९ नियन्त्रणमा उदासिन रहेको आरोप लगाएका छन् । प्रधानमन्त्री पार्टीको खिचातानीमा व्यस्त रहेको र स्वास्थ्यमन्त्री भजन गाउन मस्त भएको उनको आरोप छ।
सामाजिक संजाल ट्वीटरमार्फत प्रधानमन्त्री केपी शर्मा ओलीलाई मेन्सन गर्दै उनले सरकार बालुवाटारको पर्खालभित्र सिमित भएको समेत भनेका छन् । ‘भुसको आगो झै संक्रमण फैलिएको छ,सरकार न परीक्षण बढाउँछ न अस्पताल केन्द्रित तयारी गर्छ। बालुवाटारको पर्खालभित्र निद्रामा मस्त सरकारलाई देख्ने र सुन्ने गरी भनौँ। सरकार अब अति भो!’ उनले भनेका छन् ।
सांसद थापाले सरकारलाइ कृयाशील गराउन सवैले आवाज उठाउनुपर्ने आवश्यकतासमेत अैाल्याएका छन् ।
हेर्नुस् थापाको ट्वीट
”@PM_Nepalज्यू पार्टीको खिचातानीमा व्यस्त!स्वास्थ्यमन्त्री गज्जबको काम गरेँ भन्दै भजन गाउन मस्त!
भुसको आगाेझै संक्रमण फैलिएको छ,सरकार न परीक्षण बढाउँछ न अस्पताल केन्द्रित तयारी गर्छ।बालुवाटारको पर्खालभित्र निद्रामा मस्त सरकारलाई देख्ने र सुन्ने गरी भनौँ-सरकार अब अति भो!”