भक्तपुरपोस्ट संवाददाता भक्तपुर, १६ साउन
भक्तपुर, १६ साउन काभ्रेको धुलिखेल नगरपालिका-११ भकुण्डेबेँशीका एक पुरुषको पाँच सय रुपैयामा ज्यान गएको छ । ५४ वर्षीय कामी सिंह तामाङको साथबाट पाँच सय रुपैया लुटेर हत्या गरिएको हो ।
हत्यामा संलग्न रहेको अभियोगमा काभ्रे भकुण्डेबेशी बस्ने सिन्धुली घर भएका २२ वर्षीय सन्जिव मैनालीलाई बिहीबार राति प्रहरीले ललितपुरबाट पक्राउ गरेको छ ।
घटनामा संलग्न रही फरार रहेका उनलाई महानगरीय प्रहरी प्रभाग ईमाडोलबाट खटिएको प्रहरीले आफन्तको डेरा कोठामा लुकिछिपि बसेको अवस्थामा फेला पारी पक्राउ गरेको प्रहरीले जनाएको हो । बिहिबार बिहान हत्या गरी फरार भएका उनी राती नै ललितपुरको महालक्ष्मी नगरपालिका-४ ढुङ्गेसाँगुमा आफन्तको डेरा कोठामा लुकिछिपि बसेको अवस्थामा फेला परेका प्रहरीको भनाइ छ ।
यस सम्बन्धमा प्रहरीले थप अनुसन्धान गरिरहेको बताइएको छ ।