भक्तपुर, १९ साउन भ्रष्टाचारका बिरोधी अभियन्ताको रुपमा समेत सामाजिक संजालमा चर्चित श्रम तथा रोजगार कार्यालय विराटनगरका प्रमुख प्रेम सञ्जेल लाई कार्यकक्षमै हातपात गर्ने २ महिला बर्खास्त कर्मचारी बर्खास्त गरिएका छन् । सञ्जेलले आफूलाई कार्यकक्षमा कुटपिट गर्ने करार सेवामा कार्यरत २ कर्मचारीलाई कामबाट बर्खास्त गरेका हुन् ।
शनिबार कार्यकक्षमा छिरेर उनकै कार्यालयमा कार्यरत करारामा काम गर्ने दुई महिला कर्मचारीले उनीमाथि कुटपिट गरेका थिए । पञ्चिङ मेशिन, चप्पल लगायतले प्रहार गर्दा सञ्जेलको अनुहार र हातमा चोट लागेको थियाे ।
सञ्जेलमाथि हातपात भएपछी पुगेको मोरङ प्रहरीले ति दुई महिलालाई तत्कालै पक्राउ गरेकाे थियो । प्रहरीले अभद्र व्यवहार मुद्दामा ५ दिन म्याद थप गरेर उनीहरुमाथि अनुसन्धान सुरु गरेको छ ।
ससञ्जेलले अभद्र व्यवहारमा जाहेरी दिएपछि साेही मुद्दामा दुबैजनालाइ आइतबार म्याद थप गरि अनुसन्धान अघि बढाएको प्रहरीले बताएको छ ।
पक्राउ परेका महिलाहरुले उपसचिव सञ्जेलमाथि यौन हिंसाको आरोप लगाएका भएपनि जाहेरी दर्ता गर्न मानेको छैन । जिल्ला प्रहरी कार्यालय मोरङका प्रहरी उपरीक्षक सन्तोष खड्काकाले कारवाही बाट बच्न उनीहरुले यौन दुर्व्यवहारको आरोप लगाएको प्रारम्भिक अनुसन्धानबाट देखिएको जानकारी दिए । ‘कार्यालय प्रमुखलाई कार्यकक्षमा कुटपिट गरेपछि आरोप लगाएको देखियो । यो पुष्टि हुने अरु आधार देखिएन ।” उनले भने ।
सञ्जेलले शुक्रबार करारमा कार्यरत नायव सुब्बा निर्मलकुमार दाहाललाई कामबाट निकालेका थिए । कुटपिटमा संलग्न भएका २ मध्ये नेत्र भट्टराई (निरौला) का नायव सुब्बा निर्मलकुमार दाहाल बहिनी ज्वाई हुन् ।