News Portal

  • नाकामा कडाइ नगरेको आरोप लागेपछि गृहले भन्यो : १९ हजार ४ सयलाई फर्कायौँ

    भक्तपुरपोस्ट संवाददाता भक्तपुर, २६ साउन
    ८४३ पटक
    भक्तपुर, २६ साउन

    प्रवेश नाकामा कडाइ नगरेर उपत्यकामा कोरोना फैलाएको आरोप लागेपछि गृह मन्त्रालयले उपत्याकका बिभिन्न नाकाबाट १९ हजार ४ सयलाई फिर्ता पठाएको बताएको छ ।

    कोभिड १९ संक्रमण रोकथाम तथा नियन्त्रणका लागि सुरक्षा निकाय र सवै जिल्ला प्रशासन कार्यालयहरुमा प्रेषित निर्देशन बमोजिम हालसम्म अनुमति विना काठमाडौं उपत्यका प्रवेश गर्न खोज्ने करिब १९ हजार ४ सय यात्रुहरुलाई विभिन्न प्रवेश नाकाबाटै फिर्ता गरिएको गृह मन्त्रालयले जानकारी गराएको हो ।

    मन्त्रालयका प्रवक्ता चक्रबहादुर बुढाले बताए अनुसार हालसम्म अनुमति विना काठमाडौं उपत्यका प्रवेश गर्न खोज्ने करिव ७ हजार ६ सय सवारी साधनलाई प्रवेश नाकाबाटै फिर्ता गरिएको छ भने करिब १९ हजार ४ सय यात्रुहरु फिर्ता भएका छन् ।

    यसैगरि तोकिएको निर्देशन विपरित सवारी चलाउने करिव १ लाख ३७ हजार दुई पाङ्‍ग्रे र चार पाङ्‍ग्रे सवारी साधनलाई होल्ड गरिएको तथा हालको जोर विजोर प्रणाली पश्‍चात सो प्रणाली विपरित सवारी चलाउने करिव ५ हजार ३ सय सवारी साधनलाई नियन्त्रण र होल्डिङमा राखी कारवाही गरिएको उनले जानकारी गराए ।

    मास्क प्रयोग नगरी हिड्ने करिव ३ लाख ९५ हजार जना व्यक्तिहरुलाई नियन्त्रणमा लिई सम्झाई बुझाई छाड्ने र कतिपयलाई जरिवाना समेत गरिएको भन्दै उनले कोभिड-१९ को बढ्दो संक्रमण नियन्त्रणका लागि जारी निर्देशनको कडाईपूर्वक पालना गराउन कारवाही गर्ने कार्य निरन्तर जारी रहेको बताएका छन् ।

    प्रतिकृया दिनुहोस्

    झरीले रोक्न सकेन ‘चाँगुनारायण सिटी एभोकाड़ो सिटी अभियान’ प्रतिको आकर्षण

    ‘चाँगुनारायण सिटी, एभोकाड़ो सिटी अभियान’ अन्तर्गत यो वर्ष पनि नि:शुल्क विरुवा वितरण कार्य भईरहेको छ...

    प्रधानमन्त्री प्रचण्डले पाएनन् संसदको विश्वास

    प्रधानमन्त्री पुष्पकमल दाहाल प्रचण्डले संसदको विश्वास गुमाएका छन् । प्रतिनिधि सभामा बहुमत सदस्यले उनलाई बिश्वासको...

    पटक पटक प्रधानमन्त्री बन्ने लालसाले राजनीतिक अस्थिरता : प्रेम सुवाल

    prem suwal rostram

    नेमकिपाका सचिव एवं प्रतिनिधि सभाका सदस्य प्रेम सुवालले शाशक दलका नेताहरुको पटक पटक प्रधानमन्त्री बन्ने...

    सर्लाहीबाट काठमाडौंतर्फ आउँदै गरेको विङ्गर दुर्घटना हुँदा ११ घाईते

    सिन्धुली । सिन्धुली जिल्लाको गोलान्जोर गाउँपालिका–७ स्थित मरीन डाईभर्सन ईलाकामा सर्लाहीबाट काठमाडौंतर्फ आउँदै गरेको विङ्गर...

    फाइल खोलेको २४ घण्टामा सरकार ढल्यो : रवि लामिछाने

    गृहमन्त्री रवि लामिछानेले नक्कली भुटानी शरणार्थी प्रकरणको फाइल खोलेको २४ घण्टामा सरकार ढाल्ने काम भएको...