भक्तपुर, २६ साउनकाठमाडौँ उपत्यकाभित्रका सबै पालिकाहरूकाे सेवा ३ हप्ताका लागि बन्द गर्ने निर्णय गरिएकाे छ । अत्यावश्यक बाहेकका सबै सेवा ३ हप्ता बन्द गर्ने निर्णय गरिएको हो ।
काठमाडौँ उपत्यकाभित्र रहेका नगरपालिकाहरुको फोरमले अत्यावश्यक बाहेकका सबै सेवा बन्द गर्ने निर्णय गरेको फोरमका अध्यक्ष समेत रहेका महानगरका मेयर विद्यासुन्दर शाक्यले बताए । ”सोमबार बसेको बैठकले अत्यावश्यक बाहेकका सबै सेवा ३ हप्ताका लागि बन्द गर्ने निर्णय गरिएको छ ।” उनले भने ।
उपत्यकामा संक्रमण तीव्र गतिमा फैलिएको भन्दै फोरमले यस्तो निर्णय लिएको हो । उपत्यकाका सिडिओ कार्यालयहरुले यस अघि नै अत्यावश्यक बाहेकका सेवा बन्द गर्ने निर्णय गरी सूचना समेत जारी गरिसकेका छन् ।
त्यसैगरी नगरपालिका फोरमको बैठकले तरकारी किनबेच कार्यलाई साँझ र बिहान बाहेक रोक लगाउने निर्णय लिएकाे छ । त्यसैगरी फुटपाथ, ठेला गाडा, साइकलमार्फत गरिने व्यापारलाई भदौ १५ गतेसम्मको लागि रोक लगाउने र निर्माण मजदूरद्वारा गरिने कार्य पनि सोही अवधि सम्म रोक लगाउने निर्णय गरिएकाे बताइएको छ ।