भक्तपुर, २७ साउन आइतबार टोखा १० गोगबुस्थित नवज्योति मार्गमा भएको बिभत्स हत्याको आरोपमा एक महिलालाई प्रहरीले सार्वजनिक गरेको छ । मंगलवार पत्रकार सम्मेलन मार्फत उनलाई सार्वजनिक गरिएको हो ।
शरीरबाट टाउको छुट्टीएको अवस्थामा सुटकेस र जेब्रा झोलामा आइतवार फेला परेको शवको सोमबार पहिचान खुलेको थियो । अनुसन्धानमा जुटेको प्रहरीले मंगलवार हत्याको आरोपमा एक महिलालाई सार्वजनिक गरेको हो ।
उक्त विभत्स र क्रुर हत्यामा चितवनकी कल्पना मुडभरी(पौडेल) को संलग्नता प्रहरीले पुष्टि गरेको छ । कल्पनाले हत्या स्वीकार गरेको प्रहरीको भनाइ छ ।
उनले स्लिपिङ ट्याब्लेट खुवाए पछि अण्डकोषमा ह्यामरले हानेको र खुकुरीले टाउको र खुट्टा छिनाएको बयान दिएकी छिन् । शव व्यवस्थापनमा उनलाई १० कक्षामा पढ्ने उनकी छोरीले सहयोग गरेको बयानमा भनेकी छन् ।
शव फेला परेको स्थानबाट ५० मिटर परको घरमा फ्ल्याट भाडामा लिएर बसेकी कल्पनालाई हत्याको अभियोगमा प्रहरीले सोमबार राति चितवनबाट पक्राउ गरेको जनाएको छ । हत्यापछि उनी एम्बुलेन्स लिएर चितवन पुगेकी बताइएको छ ।
प्रहरीका अनुसार कल्पना कलाकारसमेत हुन् । उनले केही टेलिफिल्ममा अभिनय समेत गरेकी छिन् ।मृतक रोल्पाका कृष्णबहादुर बोहोरा र कल्पना बीच फेसबुक मार्फत चिनजान भएको र त्यो आर्थिक लेनदेन र यौन संग जोडिएको र हत्याको कारण बनेको बताइएकाे छ ।कल्पनाको श्रीमान् बैदेशिक रोजगारीमा छन् ।
।
