News Portal

  • अछाममा बाढीको वितण्डा, ६ शव भेटियो, एकै घरका १० सहित दुई दर्जन बढी वेपत्ता

    भक्तपुरपोस्ट संवाददाता अछाम, ३ भदाैं
    ८२३ पटक
    अछाम, ३ भदाैं

    अछामको रामारोशनमा मंगलबार राति आएको बाढीले बगाएर ६ जनाको मृत्यु भएको छ । बाढीमा परेर दुर्इ दर्जनभन्दा बढी वेपत्ता भएका छन भने रामाराेशन गाउँपालिकाका थुप्रै घर, पसल, पुल, बाटाेसहितका भाैतिक संरचनामा पनि ठूलाे क्षति पुर्याएकाे छ ।

    बाढीले सैनीबजारमा ठूलाे क्षति पुर्याएकाे छ । साे ठाउँका नन्दु साउदका १० जना परिवार नै वेपत्ता भएकाे खबर आएकाे छ । त्यसैगरी बारला निवासी लालसरा शाह र उनका छोरा, हिक्मत शाहका २ जना परिवार, चन्द्र साउद, बासु साउद र जोगा साउद वेपत्ता भएकाे त्यहाँका स्थानीयले जानकारी दिएका छन् ।

    अछाम जिल्ला प्रहरी कार्यालयले बाढीले दर्जनौं परिवार विस्थापित भएकाे जानकारी दिएकाे छ । प्रहरीका अनुसार ४ जनाको शव बान्नीगढी जयगढ गाउँपालिका–६ दर्नाको कोसेडा क्षेत्र र २ जनाको शव मंगलसेन नगरपालिका-३ रलेको लमतणा र सेरीमा भेटिएको छ ।

    बाढीमा परेका रामारोसन गाउँपालिका–५ को सैनीबजारमा दुई दर्जनभन्दा बढी मान्छे सम्पर्कविहीन भएका छन् । खालबजार, मुजाबगर, सैनीबजार, गजड, अल्लेडीलगायत धेरै ठाउँमा मानवीय र भौतिक क्षति भएको बताइएकाे छ । बाढीले दर्नामा रहेकाे पक्की पुल नै बगाएको छ ।

    कैलास खोलाको बाढीले छेउछाउका घर, पसल र खेत बगाइदिएको उनले बताए । विष्टका अनुसार दर्नाको सबैभन्दा बढी धान उत्पादन हुने नगरर्नाको कोसेडा खेत बगर बनेको छ । उद्धारका लागि नेपाली सेना, सशस्त्र र नेपाल प्रहरीकाे टोली घटनास्थलतर्फ लागेको बताइएकाे छ ।

    अछामका प्रमुख जिल्ला अधिकारी गोकर्णप्रसाद उपाध्यायले बाढीमा १८ जनाजति सम्पर्कविहीन रहेको खबर आएको जानकारी दिएका छन । उनले घाइतेको उद्धारका लागि हेलिकप्टर पठाइदिन प्रदेश र केन्द्र सरकारलाई अनुरोध गरेकाे जानकारी पनि दिए ।

    प्रतिकृया दिनुहोस्

    संकटमा गुरु-शिष्य सम्वन्ध

    “गुरु ब्रह्मा, गुरु विष्णु, गुरु देवो महेश्वर, गुरु साक्षात् परमं ब्रह्मा तस्मै श्री गुरुवे नमः”...

    दोलखाको प्रसिद्ध भीमेश्वरमा पसिना, अनिष्ट हुने मान्यता

    दोलखाको प्रसिद्ध भीमेश्वर मन्दिरको शिलामा पसिना आएको छ । भीमसेनको मूर्तिमा शनिबार दिउँसो १: ४७...

    कांग्रेस संसदीय दलको प्रमुख सचेतकमा सांसद घिमिरे

    नेपाली कांग्रेस संसदीय दलको प्रमुख सचेतकमा सांसद श्याम घिमिरे मनोनित भएका छन् । घिमिरे सिन्धुली-२...

    उच्च भोल्टेज प्रवाह हुँदा रेडियो मस्तीमा क्षती

    भक्तपुरमा उच्च भोल्टेज प्रवाह हुँदा रेडियो मस्तीमा क्षती पुगेको छ । सूर्यविनायक-८ स्थित रेडियो मस्तीका...

    हनुमन्ते खोलामा हाम फालेका युवकको उद्धार

    hanumante

    भक्तपुरको हनुमन्ते खोलामा हाम फालेका मानिसको उद्धार गरिएको छ । स्थानीय र प्रहरीले उनको उद्धार...