News Portal

  • अन्तत: नेकपा एमाले नामको दल दर्ता

    भक्तपुरपोस्ट संवाददाता भक्तपुर, ३ भदौ
    ११८९ पटक
    भक्तपुर, ३ भदौ

    प्रधानमन्त्री केपी शर्मा ओलीकै निर्देशनमा दर्ता पहल भएको भनेर सत्तारुढ दलभित्र चर्चा पाएको नेकपा एमाले नामको दल अन्तत: औपचारिक रुपमा दर्ता भएको छ । निर्वाचन आयोगले करिव २ महिना लगाएर यो दललाइ दर्ता गरेको हो ।

    नेकपा एमाले नाम राखेर दल दर्ता गर्न गत १२ असारमा आयोगमा आवेदन परेको थियो । तत्कालीन नेकपा (एमाले) र नेकपा (माओवादी केन्द्र) एकीकरण भएर नेपाल कम्युनिस्ट पार्टी (नेकपा) निर्माण भएको थियो । २ पार्टी एकतामा गएपछि माओवादी केन्द्र गोपाल किराती समुहले लिएका थिए भने नेकपा एमाले भने अस्तित्वमा थिएन ।

    नेकपा एमाले नामको दल दर्ताका लागि निवेदन परेको खबर बाहिर आएपछि सत्तारुढ दलभित्र ठूलो हल्लीखल्ली भएको थियो । अर्का अध्यक्ष पुष्पकमल दाहाल प्रचण्ड, उपाध्यक्ष बामदेव गौतम, बरिष्ठ नेता झलनाथ खनालले सार्वजनिक कार्यक्रममै यो सबै काम अध्यक्ष तथा प्रधानमन्त्री ओलीले नै गरेको आरोप पनि लगाएका थिए ।

    आयोगले दर्ता गरेको नवगठित नेकपा एमालेको अध्यक्षमा सन्ध्या तिवारी छन् भने महासचिवमा मनिषकुमार उपाध्याय रहेका छन् । यो पार्टीले आफ्नो छापमा डाँडामा उदाउँदो सूर्य राखेको थियो । आयोगले कानुनअनुसार सबै मापदण्ड पुगेकाले दल दर्ता गर्ने निर्णय लिइएको जानकारी दिएको छ ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...