महानगरीय प्रहरी वृत्त जगातीका प्रमुख समेत रहेका प्रहरी नायब उपरीक्षक (डीएसपी) चक्रराज जोशीको सरुवा भएको छ । उनको महानगरीय प्रहरी गण महाराजगंजमा सरुवा भएको हो ।

डिएसपी जोशीको स्थानमा नुवाकोटबाट राजेश थापा आएका छन् । थापाको जिप्रका नुवाकोटबाट जगाती वृत्त प्रमुखमा सरुवा भएको हो ।

प्रहरी प्रधान कार्यालयले नेपाल प्रहरीका ७२ जना प्रहरी नायब उपरीक्षक (डीएसपी) हरूकाे सरुवा गरेसंगै जगाती वृत्तको प्रमुख पनि परिवर्तन गरिएको हो । प्रहरी प्रधान कार्यालयले प्रहरी महानिरीक्षकको साेमवारकाे निर्णयबाट उक्त सरुवा भएको जनाएको छ । भक्तपुरमा जगाती र थिमि वृत्तमा एकएक र महानगरीय प्रहरी परिसरमा एक गरी प्रहरी नायब उपरीक्षक (डीएसपी) को तीन दरबन्दी रहेको छ । अन्य स्थानमा भने सरुवा भएकाे छैन ।