भक्तपुरपोस्ट संवाददाताभक्तपुर, १५ भदौ
भक्तपुर, १५ भदौ काठमाडौं महानगरपालिकाका मेयर विद्यासुन्दर शाक्यलाई कोरोना संक्रमण भएको छ । सोमबार मेयर शाक्यलाइ कोरोना संक्रमण भएकाे पुष्टि भएको हो ।
मेयर शाक्यकाे दुई दिनअघि स्वाब संकलन गरी परिक्षणका लागि लगिएकाे थियाे । मेयर शाक्यको सचिवालयका अनुसार उनकी पत्नीलाई सन्चो नभएपछि शाक्य दम्पत्तिले स्वाब दिएका थिए । त्यसकाे रिपाेर्ट आज आएकाे हाे ।
मेयर शाक्यमा काेराेना देखिए पनि उनकी पत्नीलाई भने संक्रमण देखिएकाे छैन । साथै मेयर शाक्यलाई कोरोना संक्रमणको कुनै लक्षण पनि नदेखिएको उनकाे सचिवलायले जनाएकाे छ । उनी अहिले होम आइसोलेसनमा बसेका छन् ।