News Portal

  • रहेनन् ‘हिउँ चितुवा’आङरिता शेर्पा

    भक्तपुरपोस्ट संवाददाता भक्तपुर, ५ असोज
    ४६२ पटक
    भक्तपुर, ५ असोज

    विनाअक्सिजन सगरमाथा आरोहण गरी विश्व कीर्तिमान कायम गरेका पर्वतारोही आङरिता शेर्पाको निधन भएको छ । बिना अक्सिजन १० औं पटक सगरमाथाको सफल आरोहण गरेर किर्तिमानी कायम गरेका शेर्पाको आज बिहान निधन भएको हो ।

    हिउँ चितुवाको उपनाम पाएका शेर्पाको बिहान १० बजे काठमाडौँको जोरपाटीस्थित निवासमा निधन भएको पारिवारिक श्रोतले जनाएको छ । उनको ७२ वर्षको उमेरमा निधन भएको हो । सन् १९४८ मा जन्मिएका आङरिताकाे पुख्र्यौली पेशा चौरीपालन भए पनि उनलाई पर्वातारोहणको आकर्षणले तान्यो । १५ वर्षकै उमेरदेखि उनी आरोहणमा लागेका थिए ।उनले सन् १९८३ देखि सगरमाथा आरोहण सुरु गरेका थिए । सन् १९९६ मा विनाअक्सिजन सगरमाथामा पाइला टेकेका शेर्पाको त्यो नै अन्तिम आरोहण थियो । विनाअक्सिजन दश पटकको सगरमाथाको सफल आरोहण विश्वकीर्तिमानलाई भने अहिलेसम्म कुनै आरोहीले तोड्न सकेका छैनन् ।

    सोलुखुम्बुको थामेमा जन्मिएका ७२ वर्षीय ‘हिउँ चितुवा’कोे पार्थिव शरीर अहिले शेर्पा गुम्बामा लैजाने तयारी भइरहेको छ । बौद्धधर्मानुसार दाहसंस्कार गर्ने तयारी गरिएको बताइएको छ ।

    उनका तीन छोरा र एक छोरी छन् । शेर्पा छोरी डोमासंग जोरपाटीमा बस्दै आएका थिए । कमजोर आर्थिक अवस्था भएका उनलाई सरकारले बेवास्ता गरेपछि नेपाल पर्वतारोहण सङ्घले नियमित मासिक रु १५ हजार दिँदै आएको थियो । नेपालको नाम विश्वभरि फैलाउन सफल आफूलाई भारत सरकारले उतै बस्ने व्यवस्था मिलाइदिने प्रस्ताव राखे पनि उनले अस्वीकार गरिदिएका थिए ।

    प्रतिकृया दिनुहोस्

    भक्तपुरकै जेठो साहित्य मन्दिरको साधारण सभामा संस्थापक कायष्ठ सम्मानित

    भक्तपुरकै जेठो एवं देशकै पनि एक पुरानो र प्रतिष्ठित साहित्यिक संस्था नेपाल साहित्य मन्दिरको १३...

    सल्लाघारीमा चैत २३ देखि ११ दिनसम्म महोत्सव

    नयाँ वर्ष एवं बिस्का पर्वको अवसरमा भक्तपुरमा हुँदै आएको औद्योगिक, साँस्कृतिक, पर्यटन तथा व्यापार महोत्सवले...

    प्रकाश ‘माइला’ को ‘साइकलमा सल बेरियो’

    अनेसास केन्द्रीय कार्यसमितिका निवर्तमान अध्यक्ष तथा साहित्यकार प्रकाश पौडेल ‘माइला’को शब्द तथा वसन्त र अस्मिताको...

    पदम विश्वकर्मा साहित्य प्रतिष्ठानद्वारा ‘प्रतिबन्ध’ प्रकाशन तथा पुरस्कार वितरण

    पदम विश्वकर्मा साहित्य प्रतिष्ठान तथा नेपाल दलित तथा संस्कृति प्रतिष्ठानको आयोजनामा प्रतिबन्ध कथासंग्रहको लोकार्पण तथा...

    भक्तपुर नगरपालिकाले सञ्चालन गरेका शिक्षण संस्थाहरुमा नयाँ प्राचार्य नियुक्त

    भक्तपुर नगरपालिकाद्वारा सञ्चालित ‘ख्वप मा.वि.’, ‘ख्वप कलेज’, ‘शारदा क्याम्पस’, ‘शारदा क्याम्पस मा.वि’ र ‘ख्वप कलेज...