भक्तपुरपोस्ट संवाददाता भक्तपुर, ५ असोज
भक्तपुर, ५ असोजकोरोना संक्रमितलाई आयुर्वेदिक जडिबुटीयुक्त औषधी सेवन गर्न नदिएको प्रति नेपाल आयुर्वेद चिकित्सक संघले आपत्ती जनाएकाे छ ।संघले बिज्ञप्ती जारी गर्दै सो प्रति आपत्ती जनाएकाे हो ।
देशका बिभिन्न क्वारेन्टाइन र आइसोलेसनमा रहेका कोरोना संक्रमित बिरामीहरुले आयुर्वेदिक औषधी सेवन गर्न चाहेको तर विभिन्न वाहना बनाइ आयुर्वेद औषधी नदिएको गुनासो आएको संघको भनाइ छ ।
यसले चाहेको उपचार लिन पाउने आधारभूत मानव अधिकारको हनन भएको भन्दै संघले उक्त अधिकारबाट कसैलाई वञ्चित नगर्न सरकारसमक्ष अपिल गरेकाे छ ।
आयुर्वेदिक औषधी र जडिबुटी सेवन गर्न चाहनेलाई उपलब्ध गराउन स्वास्थ्य तथा जनसंख्या मन्त्रालयलाई अपिल गर्दै संघले संचारमाध्यम मार्फत आयुर्वेदको बारेमा पर्याप्त जानकारी र सुचना सम्प्रेष्ण गर्ने व्यवस्था मिलाउन समेत माग गरेको छ।
