भक्तपुरपोस्ट संवाददाता भक्तपुर, ७ असोज
भक्तपुर, ७ असोजनेपाल विद्युत प्राधिकरणका कर्मचारी सवार गाडीलाई बाढीले बगाउदा १ जनाको ज्यान गएको छ भने २ जना बेपत्ता भएका छन् ।
कपिलवस्तुको तौलिहवा वितरण केन्द्रमा कार्यरत कर्मचारीलाई लिएर विद्युत मर्मत कार्यका लागि निस्केको बा १ च १०८९ नम्बरको जीपलाई फर्कने क्रमम बाणगंगा नगरपालिकास्थित कोइली खोलाले बगाउदा उक्त दुर्घटना भएको हो । वडा नम्बर ७ र ९ को सिमानामा कोइली खोलाले जीप बगाएको थियो । जीपमा छ जना सवार रहेपनि ३ जना भने पौडी खेलेर ज्यान बचाउन सफल भएका छन् ।
बाँकी ३ जनामध्ये १ जनाको शव फेला परेको छ । गुल्मी रेसुङ्गा– ९ उपल्लो तम्घासका सवारी चालक ३५ वर्षीय माधव पाण्डेको शव फेला परेको हो । बाँकी २ जना अहिलेसम्म बेपत्ता रहेको र खोजीकार्य भइरहेको प्रहरीको भनाइ छ ।