भक्तपुर, १८ असोज राष्ट्रपति विद्यादेवी भण्डारीले कोरोना संक्रमति भई उपचारमा रहेका अमेरिकी राष्ट्रपति डोनाल्ड ट्रम्प र उनकी पत्नी मेलानियाको शिघ्र स्वास्थ्य लाभको कामना गरेकी छन् । भण्डारीले एक सन्देश मार्फत शिघ्र स्वास्थ्य लाभको कामना गरेकी हुन् ।
राष्ट्रपति भण्डारीले आफ्नो सन्देशमाकोभिड–१९ नियन्त्रणका लागि ठोस कदमहरु चाल्नुपर्नेमा जोड दिएकी छन् ।उनले नेपाल र अमेरिका बीचको वहुआयामिक सम्बन्ध आगामी दिनमा अझ सुदृढ हुने अपेक्षा समेत राखेकी छन् ।
शुक्रबार कोरोना संक्रमण पुष्टि भएपछि ट्रम्प शनिवार अस्पताल भर्ना भएका छन् ।ट्रम्प अहिले ७४ बर्ष पुगेका छन् भने उनकी पत्नीको उमेर ५० बर्ष पुगेको छ ।उनीहरुलाई उत्तर कोरियाका सर्वोच्च नेता किम जोङ उनले पनि स्वास्थ्य लाभको संदेश पठाइसकेका छन् ।
अमेरिकामा अहिलेसम्म करिब ७४ लाख सङ्क्रमित भएका छन् भने २ लाख आठ हजार ६सय ९३ जनाको मृत्यु भइसकेको तथ्यांक छ । तथ्यांक हेर्दा कोरोनाका कारण संक्रमित र मृत्यु संख्या यो विश्वकै सर्वाधिक हो ।
