भक्तपुर, २१ असाेजबुधबार देशमा हालसम्मकै सर्वाधिक मानिसहरुमा कोरोना संक्रमण देखिएकाे छ। पछिल्लो २४ घण्टामा ३४३९ जनामा संक्रमण देखिएको हाे ।
स्वास्थ्य तथा जनसंख्या मन्त्रालयले नियमित प्रेस ब्रिफिंगमा बुधवार ३४३९ जनामा संक्रमण देखिएको बताएकाे छ । १४२०९ जनाको पीसीआर परीक्षण गर्दा ३४३९ जनामा संक्रमण पुष्टि भएको मन्त्रालयको भनाइ छ ।
प्रवक्ता डा जागेश्वर गौतमले दिएको जानकारी अनुसार उपत्यकामा मात्रै १६८४ जना संक्रमित भएका छन् । जसमध्ये संक्रमित हुनेको संख्या भक्तपुरमा ९५ रहेको छ भने काठमाडौंमा १२९६ र ललितपुरमा २९३ जना संक्रमित भएका बताइएको छ ।
पछिल्लो २४ घण्टामा ११२६ जना डिस्चार्ज भएका छन्। यो संगै डिस्चार्ज हुनेको संख्या ६८ हजार ६ सय ६८ पुगेको छ । संक्रमितमध्ये ७२ प्रतिशत निको भएका मन्त्रालयले जनाएको छ । अन्य उपचाररत रहेका छन् ।
पछिल्लो २४ घन्टामा थप १५ जनाले ज्यान गुमाएसंगै कोरोनाको कारण ज्यान गुमाउनेको संख्या ५ सय ७८ पुगेको छ। यो संक्रमणका कारण मृत्यु दर ०.६१ प्रतिशत हो।