नेपाल प्रहरीले प्रयोग गर्ने सञ्चार सेट (वाकीटकी) बोकि प्रहरी बनी ठगी गर्दै हिड्ने नक्कली प्रहरी पक्राउ परेका छन् । बिहीबार प्रहरीले उनलाइ पक्राउ गरेकाे हाे ।

पक्राउ पर्ने ब्यक्ति रामेछाप खाडादेवी गाउँपालिका ६ घर भई हाल काठमाडाैकाे बाँनियाटार बस्ने गोबिन्द खड्का  हुन् ।

खड्काले विगत २ बर्ष देखि प्रहरीको सञ्चार सेट जस्तो देखिने KENWOOD ब्राण्डको 144 MHZ F.M.Transceiver-TH-22E र हेण्ड वाकिटकि सञ्चार सेटहरु बोकी ट्राफिक प्रहरीको यूनिफर्मको Rain coat, प्रहरीको T-shirt, Name plate, लगाई प्राय रातको समयमा ठगी धन्दा चलाउदै आएका प्रहरीको भनाइ छ । “म प्रहरी हुँ ” भनि उपत्यकाका बिभिन्न रात्रीकालिन व्यबसाय संचालन गर्ने स्थानहरुमा गई व्यवसायी लगायतका मानिसहरुलाई अनुचित प्रभाबमा पारी आर्थिक लाभ लिने गरेको भन्ने बिशेष सूचनाको आधारमा अपराध महाशाखाबाट खटिएको टोलीले टोखा बनियाटारबाट उनलाई पक्राउ गरेको हो।

महाशाखाले उल्लेखित हुलिया भएका ब्यक्तीबाट कोही कसैलाई बिभिन्न प्रभाव पारि ठगी गरेको भए सो बारे कार्यालयमा सम्पर्क गर्न समेत सबैमा जानकारी गराएको छ।