भक्तपुरपोस्ट संवाददाता
भक्तपुर, १४ मंसिर । पछिल्लो २४ घण्टामा काठमाडौंमा ४२२, ललितपुरमा ६१ र भक्तपुरमा ६५ जना कोरोना संक्रमित थपिएका छन् ।
त्यसै आज देशभर १ हजार २५५ जनालाई कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएका छ । योसँगै संक्रमितको कुल संख्या २ लाख ३१ हजार ९७८ पुगेको छ ।
२४ घण्टामा १ हजार ४०४ जना डिस्चार्ज भएका छन् । डिस्चार्ज हुनेको संख्या २ लाख १२ हजार ५९० पुगेको छ ।
पछिल्लो २४ घण्टामा २५ जना कोरोना संक्रमितको मृत्यु भएको छ । नेपालमा मृत्यु हुने संक्रमितको संख्या १ हजार ४७९ पुगेको छ ।