भक्तपुरपोस्ट संवाददाता भक्तपुर, १७ मङ्सिर
भक्तपुर, १७ मङ्सिरपदको दुरुपयोग गरी अनियमितता गरेको आरोपमा नेपाल प्रहरीका २ एसपी सहित ४ जना निलम्बनमा परेका छन् । नेपाल प्रहरीका दुई एसपी, एक डिएसपी र एक इन्सपेक्टर निलम्बनमा परेका हुन् ।
निलम्बन हुनेमा एसपीद्वय विमल बस्नेत र रामेश्वरप्रसाद यादव रहेका छन् । त्यसैगरी डिएसपी भरतबहादुर चौधरी र इन्स्पेक्टर मेघराज चौरसिया पनि निलम्बित हुनेको सूचीमा छन् । गृह मन्त्रालयले उनीहरुलाई निलम्बन गरेको हो ।
एसपीद्वय बस्नेत र यादव माथि आफ्ना मातहतका कार्यालयलाई पैसा उठाउन प्रेरित गरेको र मातहतका कार्यालयबाट रकम असुल्ने गरेको आरोप लागेको छ ।